ഓപ്പറേഷൻ കാവേരി ; ആദ്യ ഇന്ത്യൻ സംഘം സുഡാനിൽ നിന്ന് ജിദ്ദയിലേയ്‌ക്ക് പുറപ്പെട്ടു

ന്യൂഡൽഹി : ഓപ്പറേഷൻ കാവേരിയുടെ ഭാഗമായി സുഡാനിൽ നിന്ന് ഒഴിപ്പിക്കുന്ന ആദ്യ ഇന്ത്യൻ സംഘം ജിദ്ദയിലേയ്‌ക്ക് പുറപ്പെട്ടതായി വിദേശകാര്യ മന്ത്രാലയം അറിയിച്ചു. ഇന്ത്യൻ നാവിക സേനയുടെ യുദ്ധക്കപ്പലിലാണ് സംഘം യാത്ര തിരിച്ചത്.

ദൗത്യത്തിന്റെ ഭാഗമായി നാവികസേനയുടെ ഐഎൻഎസ് സുമേധ കഴിഞ്ഞ ദിവസം സുഡാൻ തുറമുഖത്ത് എത്തിയിരുന്നു. ഐഎൻഎസ് സുമേധയിൽ യാത്ര തിരിക്കുന്ന ഇന്ത്യൻ സംഘത്തിന്റെ ചിത്രങ്ങൾ വിദേശകാര്യ വക്താവ് അരിന്ദം ബാഗ്ചി ട്വറ്ററിൽ പങ്കുവച്ചിരുന്നു. സുഡാനിൽ നിന്ന് ഒഴിപ്പിക്കാൻ സഹായിച്ച എല്ലാവരോടും നന്ദിയറിയിച്ചുകൊണ്ട് ആളുകൾ ദേശീയ പതാക ഉയർത്തുകയും ചെയ്തു. 278 ഇന്ത്യക്കാരുമായാണ് ഐഎൻഎസ് സുമേധ സുഡാനിൽ നിന്ന് ജിദ്ദയിലേയ്‌ക്ക് പുറപ്പെട്ടത്.ഇതിൽ കുട്ടികളും ഉൾപ്പെടുന്നതായി അധികൃതർ അറിയിച്ചു.

First batch of stranded Indians leave Sudan under #OperationKaveri.

INS Sumedha with 278 people onboard departs Port Sudan for Jeddah. pic.twitter.com/4hPrPPsi1I

— Arindam Bagchi (@MEAIndia) April 25, 2023

ഓപ്പറേഷൻ കാവേരിയുടെ ഭാഗമായി രണ്ട് ഗതാഗത വിമാനങ്ങളാണ് സുഡാൻ തുറമുഖത്ത് രക്ഷാപ്രവർത്തനതിനായി എത്തിയിരുന്നത്. ജിദ്ദയിലെത്തിയ ശേഷം ഇന്ത്യക്കാരെ നാട്ടിലെത്തിക്കുമെന്ന് അധികൃതർ അറിയിച്ചു. സുഡാനിലുടനീളം 3000-ത്തോളം ഇന്ത്യക്കാരാണുണ്ടായിരുന്നത്. സുഡാനിൽ സൈന്യവും അർദ്ധസൈന്യവും തമ്മിലാണ് ഏറ്റുമുട്ടൽ നടന്നിരുന്നത്.