കേരളാ സന്ദർശനത്തിനിടെ പ്രധാനമന്ത്രി നരേന്ദ്രമോദിയോടൊപ്പം വേദിപങ്കിട്ടതിനെ തുടർന്നുണ്ടായ സെെബർ അക്രമണങ്ങൾക്ക് മൂക്ക് കയറിട്ട് നടി നവ്യ നായർ. രണ്ട് ദിവസത്തെ സന്ദർശനത്തിനായി തിങ്കളാഴ്ച വൈകിട്ടാണ് പ്രധാനമന്ത്രി നരേന്ദ്രമോദി കൊച്ചിയിലെത്തിയത്. തുടർന്ന് മോദിയുടെ ‘യുവം 2023’ ൽ ഉണ്ണിമുകുന്ദനും നവ്യ നായരും അപർണ ബാലമുരളിയുമടക്കമുള്ള താരങ്ങൾ പങ്കെടുത്തത് ഏറെ ശ്രദ്ധ നേടിയിരുന്നു. ഇതിന്റെ ചിത്രങ്ങൾ സമൂഹ മാദ്ധ്യമങ്ങളിൽ പ്രചരിക്കുകയും ഇവർക്കെതിരെ വലിയരീതിയിൽ സെെബർ ആക്രമണമാണ് നടന്നത്.
നവ്യയ്‌ക്കെതിരെ വലിയ വിമർശനമാണ് ഇടത് ജിഹാദി സെെബർ ഇടങ്ങളിൽ നിന്ന് ഉയർന്നത്. നടി ചെയ്തത് തെറ്റായിപ്പോയെന്നും ഇങ്ങനെ ചെയ്യുമെന്ന് പ്രതീക്ഷിച്ചില്ലെന്നും പറഞ്ഞുകൊണ്ട് ചില വിമർശനങ്ങളും സമൂഹമാദ്ധ്യമങ്ങളിൽ ഉയർന്നിരുന്നു. മാത്രമല്ല ‘അപർണ ബാലമുരളിയെപ്പോലെ പ്രതിഫലത്തിന് വേണ്ടിയാണ് പരിപാടിയിൽ പങ്കെടുത്തതെന്നും അന്നുമിന്നും എന്റെത് ഇടത് രാഷ്‌ട്രീയം’ എന്ന് നവ്യ നായർ പറഞ്ഞുവെന്ന തരത്തിലുള്ള വ്യാജ വാർത്തകളും പ്രചരിച്ചു.
എന്നാൽ ഇത്തരം വ്യാജവാർത്തകൾക്കും ട്രോളുകൾക്കും വിമർശനത്തിനുമുള്ള മറുപടിയായി പ്രധാനമന്ത്രിക്കൊപ്പമുള്ള ചിത്രം ഇൻസ്റ്റഗ്രാമിൽ പങ്കുവച്ചിരിക്കുകയാണ് താരമിപ്പോൾ. ‘ ബഹുമാനപ്പെട്ട ഇന്ത്യൻ പ്രധാനമന്ത്രിക്കൊപ്പം വേദി പങ്കിടാൻ സാധിച്ചതിൽ അഭിമാനമുണ്ട്’ എന്ന അടിക്കുറിപ്പോടെയാണ് നടി ചിത്രങ്ങൾ ഇൻസ്റ്റഗ്രാമിൽ പങ്കുവച്ചിരിക്കുന്നത്. ഇതോടെ വിമർശകരുടെ വായടപ്പിച്ചിരിക്കുകയാണ് നടി.
Comments