തിരുവനന്തപുരം: സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ ഓൺലൈൻ സംവിധാനങ്ങൾ അവതാളത്തിൽ. നികുതി പിരിവ് സേവനങ്ങൾ ഓൺലൈനാക്കിയുള്ള സർക്കാരിന്റെ പ്രഖ്യാപനം കഴിഞ്ഞ് മാസം ഒന്ന് പിന്നിടുമ്പോഴും വെബ്‌സൈറ്റ് എപ്പോഴും തകരാറിലാണ്.
കരം അടയ്‌ക്കാൻ ഉൾപ്പെടെയുള്ള അപേക്ഷകൾ സമർപ്പിക്കാനായി വെബ്‌സൈറ്റ് സന്ദർശിക്കുമ്പോൾ അപേക്ഷകരുടെ പേര് ഉൾപ്പടെ മാറിയാണ് പ്രൊഫൈലിൽ കാണിക്കുന്നത്. പലരുടെയും പ്രൊഫൈലിൽ മുൻപ് കരം അടച്ചതിന്റെ വിവരങ്ങളും രേഖപ്പെടുത്തിയതായി കാണിക്കുന്നില്ല. ഇത് സംബന്ധിച്ച് പരാതികൾ നിരവധിയാണ്. ഇതിന് പിന്നാലെ തിരുവനന്തപുരം നഗരസഭയിൽ വിജിലൻസെത്തി പരിശോധന നടത്തിയിരുന്നു. ഇതോടെയാണ് വെബ്‌സൈറ്റ് സംവിധാനത്തിൽ തകർച്ച അനിശ്ചിതമായി നീളുകയാണെന്ന് കണ്ടെത്തിയത്. വെബ്‌സൈറ്റ്് തകരാറിലായതോടെ ഉദ്യോഗസ്ഥരും പ്രതിസന്ധിയിലാണ്.
ഓഫീസുകളിൽ നേരിട്ടെത്താതെ ജനങ്ങൾക്ക് കരം അടയ്‌ക്കാൻ ഉദ്ദേശിച്ചാണ് സേവനങ്ങൾ ഓൺലൈനാക്കിയത്. എന്നാൽ നിവലിലത്തെ സ്ഥിതി വളരെ ബുദ്ധിമുട്ടിലാണ്. നിരവധി ജനങ്ങളാണ് വലയുന്നത്. ഇൻഫർമേഷൻ കേരള മിഷനാണ് റവന്യു ഡിപ്പാർട്ടമെന്റ് എന്ന വെബസൈറ്റിൽ നടത്തിപ്പിനുള്ള ചുമതല. പുതിയ സാമ്പത്തിക വർഷാരംഭത്തോടെ പുതുക്കിയ നികുതി തുകകൾ പ്രകാരം ലഭിക്കേണ്ട നികുതി പിരിവും ഇതിനാൽ മുടങ്ങി. എല്ലാ സാമ്പത്തിക വർഷാവസാനത്തിലും നികുതി പിരിവിലെ പരിഷ്‌കാരങ്ങൾ ഉൾപ്പെടുത്താനായി വെബ്‌സൈറ്റ് പരിഷ്‌കാരം നടത്താറുണ്ട്. ഇത് ഒരാഴ്ചയോളം മാത്രമാണ് നീണ്ടുനിൽക്കാറുള്ളൂ. എന്നാൽ കെട്ടിട നികുതി വർദ്ധനവ് ഉൾപ്പടെയുള്ള മാറ്റങ്ങൾ ഉൾപ്പെടുത്തിയാണ് ഇത്തവണ വെബ്‌സൈറ്റ് നവീകരണം നടത്തേണ്ടത്.
Comments