അടുക്കളയിൽ ഒഴിച്ചുകൂടാനാകാത്ത ഒരു വസ്തുവാണ് കത്തി. പാചകം ചെയ്യാനുള്ള കഷ്ണങ്ങളരിയാൻ മുതൽ പറമ്പിലെ പണികൾക്ക് വരെ നാം കത്തിയുപയോഗിക്കും. നന്നായി ഉപയോഗിക്കുന്ന കത്തിയിൽ അതിവേഗം കറ പിടിക്കുന്നതും കാണാം. ഇത്തരത്തിൽ കറ പിടിച്ച് വൃത്തികേടായ കത്തി വൃത്തിയാക്കാനുള്ള വഴികളിതാണ്..
1. ഒരു ഗ്ലാസ് സ്വർക്കയിൽ 15-30 മിനിറ്റ് നേരം കത്തി മുക്കി വയ്ക്കുക. ശേഷം സ്പോഞ്ച് ഉപയോഗിച്ച് ഉരച്ച് വൃത്തിയാക്കുക. ഡിഷ് വാഷ് സോപ്പ് ഇതിന് വേണ്ടി ഉപയോഗപ്പെടുത്താവുന്നതാണ്. വെള്ളമുപയോഗിച്ച് കഴുകിയതിന് ശേഷം കത്തി ഉണക്കി എടുത്ത് വയ്ക്കാം.
2. ബേക്കിംഗ് സോഡയിൽ വെള്ളം ചേർത്ത് പേസ്റ്റ് രൂപത്തിലാക്കുക. ഈ പേസ്റ്റ് കത്തിയിൽ കറയുള്ള ഭാഗത്ത് നല്ലപോലെ പുരട്ടി വയ്ക്കുക. ഒരു മണിക്കൂറിന് ശേഷം സ്ക്രബ്ബറോ സ്പോഞ്ചോ ഉപയോഗിച്ച് ഉരച്ചുകഴുകി കളയാം. ശേഷം വെള്ളത്തിൽ കഴുകിയ കത്തി നല്ലപോലെ ഉണക്കി എടുത്ത് വയ്ക്കുക.
3.കത്തിയിൽ ഉപ്പ് നല്ലപോലെ പുരട്ടുക. അതിന് മുകളിലേക്ക് നാരങ്ങാനീര് ഒഴിക്കുക. രണ്ട് മണിക്കൂർ അതുപോലെ വയ്ക്കുക. ശേഷം ചെറുനാരങ്ങയുടെ തൊലി കൊണ്ടോ സ്പോഞ്ച് കൊണ്ടോ ഉരച്ചുകളയുക.
കറ പുരളാതിരിക്കാൻ എല്ലായ്പ്പോഴും കത്തി ഉപയോഗിച്ച് കഴിഞ്ഞാൽ കഴുകയിതിന് ശേഷം ഈർപ്പമകറ്റി എടുത്ത് വയ്ക്കുന്നതാണ് നല്ലത്. ഡ്രൈ ആയിരിക്കുന്ന ഏരിയയിൽ കത്തി സൂക്ഷിക്കുന്നതും അഴുക്ക് പിടിക്കാതിരിക്കാൻ സഹായിക്കും.
