യാത്രക്കാരുടെ ശ്രദ്ധയ്‌ക്ക്: നാളെ സംസ്ഥാനത്ത് ട്രെയിൻ ഗതാഗത്തിൽ നിയന്ത്രണമുണ്ടകും; ട്രെയിൻ വിവരങ്ങൾ ഇങ്ങനെ

തിരുവനന്തപുരം: സംസ്ഥാനത്ത് നാളെ ട്രെയിൻ ഗതാഗതത്തിൽ നിയന്ത്രണം ഉണ്ടാകും എന്ന് റെയിൽവേ മന്ത്രാലയം അറിയിച്ചു. ട്രാക്കിൽ അറ്റകുറ്റപ്പണികൾ നടക്കുന്നതിനാലാണ് നാളെയും നിയന്ത്രണം ഏർപ്പെടുത്തിയിരിക്കുന്നത്. മാവേലിക്കരയ്‌ക്കും ചെങ്ങന്നൂരിനുമിടയിൽ 124, 111 നമ്പർ പാലങ്ങളിലാണ് അറ്റകുറ്റപ്പണി നടത്തുന്നത്.

മെയ് 15 ന് എറണാകുളം- ഗുരുവായൂർ റൂട്ടിൽ സർവീസ് നടത്താൻ നിശ്ചയിച്ചിരുന്ന സ്‌പെഷ്യൽ ട്രെയിൻ എറണാകുളം- ഗുരുവായൂർ എക്‌സ്പ്രസ്സ് റദ്ദാക്കി. മെയ് 8 മുതൽ മെയ് 30 വരെ തിരുവനന്തപുരം ഡിവിഷന് കീഴിലെ നിരവധി ട്രെയിനുകളും ഭാഗികമായി റദ്ദാക്കിയിട്ടുണ്ട്.

റദ്ദാക്കിയ ട്രെയിനുകൾ

കൊല്ലം – എറണാകുളം സ്‌പെഷ്യൽ മെമു ഭാഗികമായി റദ്ദാക്കി
മെയ് 15 ന് നിലമ്പൂർ – കോട്ടയം ട്രെയിൻ അങ്കമാലി വരെ മാത്രമാക്കി.
മെയ് 8 നും 15 നും കണ്ണൂർ-എറണാകുളം എക്‌സ്പ്രസ്സ് തൃശ്ശൂർ വരെ മാത്രമാക്കി.
മെയ് 8 നും 15 നും തിരുവനന്തപുരം – ഗുരുവായൂർ ഇന്റർസിറ്റി എറണാകുളം വരെ മാത്രമേ സർവീസ് നടത്തൂ
മെയ് 9 നും 16 നും ഗുരുവായൂർ- തിരുവനന്തപുരം ഇന്റർസിറ്റി എറണാകുളത്ത് നിന്ന് പുറപ്പെടും. ഗുരുവായൂർ-എറണാകുളം റൂട്ടിൽ റദ്ദാക്കി
മെയ് 8 നും 15 നും പുനലൂർ-ഗുരുവായൂർ എക്‌സ്പ്രസ്സ് കോട്ടയം വരെ മാത്രമാണ് സർവീസ് നടത്തുക
മെയ് 15 ന് തിരുവനന്തപുരം – എറണാകുളം വഞ്ചിനാട് എക്‌സ്പ്രസ് തൃപ്പൂണിത്തുറയിൽ സർവീസ് അവസാനിപ്പിക്കും
എറണാകുളം – കൊല്ലം മെമു എക്‌സ്പ്രസ്സ് മെയ് 30 വരെ കായംകുളത്ത് യാത്ര അവസാനിപ്പിക്കും.