സെറ്റുകളിലെ ലഹരി ഉപയോഗം മറ്റുള്ളവർക്ക് പ്രശ്‌നമാകുമെങ്കിൽ തടയണം; ഞാൻ അഭിനയിച്ച സിനിമകളുടെ സെറ്റുകളിൽ ഇത്തരം അനുഭവങ്ങൾ ഉണ്ടായിട്ടില്ല : നിഖില വിമൽ

താൻ അഭിനയച്ച സിനിമകളുടെ സെറ്റുകളിലൊന്നും ലഹരി ഉപയോഗവുമായി ബന്ധപ്പെട്ട പ്രശ്‌നങ്ങൾ കണ്ടിട്ടില്ലെന്ന് നടി നിഖിലാ വിമൽ. എന്നാൽ സെറ്റുകളിലെ ലഹരി ഉപയോഗം മറ്റുള്ളവർക്ക് പ്രശ്‌നമാകുന്നുണ്ടെങ്കിൽ അത് തടയണം. എന്നാൽ ഇപ്പോഴും സെറ്റുകളിൽ മദ്യം നിരോധിച്ചിട്ടില്ലെന്നും മദ്യവും ലഹരി വസ്തുക്കളിൽപ്പെട്ടതാണെന്നും നടി പറഞ്ഞു. സിനിമാ സെറ്റുകളിൽ ഷാഡോ പൊലീസ് പരിശോധന നടത്തുന്നതിൽ തെറ്റില്ലെന്ന് നടി കൂട്ടിച്ചേർത്തു

താൻ അഭിനയച്ച സിനിമകളുടെ സെറ്റുകളിലൊന്നും ലഹരി ഉപയോഗവുമായി ബന്ധപ്പെട്ട പ്രശ്നങ്ങൾ കണ്ടിട്ടില്ലെന്ന് നടി നിഖിലാ വിമൽ. സെറ്റുകളിലെ ലഹരി ഉപയോഗം മറ്റുള്ളവർക്ക് പ്രശ്‌നമാകുന്നുണ്ടെങ്കിൽ അത് തടയണം. എന്നാൽ ഇപ്പോഴും സെറ്റുകളിൽ മദ്യം നിരോധിച്ചിട്ടില്ല, മദ്യവും ലഹരി വസ്തുക്കളിൽപ്പെട്ടതാണെന്നും നടി ഓർമ്മിപ്പിച്ചു. സിനിമാ സെറ്റുകളിൽ ഷാഡോ പോലീസ് പരിശോധന നടത്തുന്നതിൽ തെറ്റില്ലെന്നും അവർ അഭിപ്രായപ്പെട്ടു.

സിനിമാ സെറ്റുകളിലെ ലഹരി ഉപയോഗം തടയാൻ അന്വേഷണം ആരംഭിച്ചതായി കൊച്ചി സിറ്റി പൊലീസ് കമ്മീഷണർ സേതുരാമൻ അറിയിച്ചു. ഇനിമുതൽ ലൊക്കേഷനുകളിൽ ഷാഡോ പൊലീസിനെ വിന്യസിക്കുമെന്നും ലഹരി ഉപയോഗം സംബന്ധിച്ച് വിവരം ലഭിച്ചാൽ റെയ്ഡ് നടത്തുമെന്നും അദ്ദേഹം പറഞ്ഞു. എന്നാൽ ഇതുവരെ ആരിൽനിന്നും പരാതികൾ ലഭിച്ചിട്ടില്ലെന്നും സേതുരാമൻ വ്യക്തമാക്കി.