ആലപ്പുഴയിൽ ഹൗസ് ബോട്ടുകളിൽ വ്യാപക പരിശോധന; ഒരു ബോട്ട് പിടിച്ചെടുത്തു

ആലപ്പുഴ: ആലപ്പുഴയിൽ ഹൗസ് ബോട്ടുകളിൽ വ്യാപക പരിശോധന നടത്തി തുറമുഖ വകുപ്പും പോലീസും. മതിയായ സുരക്ഷാ സൗകര്യങ്ങളില്ലാതെ പ്രവർത്തിച്ച 15 ബോട്ടുകൾക്ക് നോട്ടീസ് നൽകി. ഇതിൽ ഒരു ബോട്ട് പിടിച്ചെടുത്തു. പള്ളാത്തുരുത്തി കേന്ദ്രീകരിച്ച് നടത്തിയ പരിശോധനയിലാണ് ബോട്ട് പിടിച്ചെടുത്തത്.

പിടിച്ചെടുത്ത ബോട്ട് അനധികൃതമായി പ്രവർത്തിച്ചിരുന്നതെന്ന് പരിശോധന സംഘം പറഞ്ഞു. ഈ ബോട്ടിന് നിയമപരമായ ഒരു രേഖയും ഉണ്ടായിരുന്നില്ല. ഇതിലെ ജീവനക്കാരിൽ ഒരാൾക്ക് മാത്രമാണ് ലൈസൻസ് ഉണ്ടായിരുന്നത്. പുന്നമടയിലെ 60 ശതമാനം ഹൗസ് ബോട്ടുകൾക്കും ലൈസൻസില്ലെന്നാണ് വിവരമെന്നും സംഘം പറഞ്ഞു. പരിശോധനയ്‌ക്ക് ശേഷം ഇവയെല്ലാം പിടിച്ചെടുക്കുമെന്നും ഉദ്യോഗസ്ഥർ അറിയിച്ചു.