5,800 മീറ്റർ ഉയരത്തിൽ നിന്ന് താഴെയ്‌ക്ക് വീണ് പരിക്കേറ്റ പർവതാരോഹകന്റെ ജീവൻ രക്ഷിച്ച് അദാനി; നന്ദി അറിയിച്ച് അനുരാഗ് മാലുവിന്റെ കുടുംബം

ന്യൂഡൽഹി: പർവതാരോഹണത്തിനിടെ പരിക്കേറ്റ ഇന്ത്യൻ പർവതാരോഹകന്റെ ജീവൻ രക്ഷിച്ച് ഗൗതം അദാനി. നേപ്പാളിലെ അന്നപൂർണ പർവതത്തിലെ വിള്ളലിൽ വീണ് പരിക്കേറ്റ അനുരാഗ് മാലുവിനെ കാഠ്മണ്ഡുവിൽ നിന്ന് ഡൽഹി എയിംസിലെത്തിച്ചത് അദാനിയാണ്. എയർ ആംബുലൻസ് വഴിയാണ് മാലുവിനെ വിദഗ്ധ ചികിത്സയ്‌ക്കായി ഡൽഹിയിലെത്തിച്ചത്.

ഇതിന് പിന്നാലെ അദാനിയുടെ സമയോചിതമായ ഇടപെടലിന് അനുരാഗ് മാലുവിന്റെ സഹോദരൻ ആഷിഷ് മാലു നന്ദി അറിയിച്ചു. ‘വിദഗ്ധ ചികിത്സ ആവശ്യമായി വന്ന സാഹചര്യത്തിൽ ചെയത് തന്നം സഹായത്തിന് ഏറെ നന്ദി. അനുരാഗിനെ സുരക്ഷിതനായി നാട്ടിലെത്തിക്കുന്നതിൽ പിന്തുണ നൽകിയതിന് ഗൗതം അദാനിയ്‌ക്കും, അദാനി ഫൗണ്ടേഷനും നന്ദി’ എന്നാണ് അദ്ദേഹം ട്വീറ്റ് ചെയ്തത്.

Grateful beyond words for the timely airlifting! Heartfelt thanks to @gautam_adani and @AdaniFoundation for their invaluable support in repatriating @AnuragMaloo safely."@PMOIndia@narendramodi@AmitShah@DrSJaishankar@MEAIndia@MofaNepal@IndiaInNepal@humancareww

— Aashish Maloo (@Aashish_09) May 16, 2023

കഴിഞ്ഞ ഏപ്രിൽ 17-നാണ് അനുരാഗ് മാലുവിന് അപകടം സംഭവിക്കുന്നത്. അന്നപൂർണ പർവതത്തിലെ മൂന്നാമത്തെ ക്യാമ്പിൽ നിന്ന് ഇറങ്ങുന്നതിനിടെ 5,800 മീറ്റർ ഉയരത്തിൽ നിന്ന് താഴെയ്‌ക്ക് വീണ് കാണാതാവുകയായിരുന്നു. ഹിമപരപ്പിലുള്ള വിള്ളലിൽ അകപ്പെട്ടാണ് മാലുവിനെ കാണാതായത്. പിന്നീട് ഏറെ നേരത്തെ തിരച്ചിലിനൊടുവിലാണ് കണ്ടെത്താനായത്. തുടർന്ന് അടുത്തുള്ള മെഡിക്കൻ ക്യാമ്പിലേക്കും പിന്നീട് പൊറാഖയിലെ മണിപ്പാൽ ആശുപത്രിയിലും കാഠ്മണ്ഡുവിലെ ആശുപത്രിയിലും പ്രവേശിപ്പിച്ചു.

നേപ്പാളിലെ ആശുപത്രിയിലെ ചികിത്സ ചെലവുകൾ താങ്ങാനാവുന്നതിലും അപ്പുറമാണെന്ന് ചൂണ്ടിക്കാട്ടി കുടുംബം ഇന്ത്യയിലേക്ക് അനുരാഗിനെ വിമാനമാർഗം എത്തിക്കണമെന്ന് അദാനി ഗ്രൂപ്പിനോട് അഭ്യർത്ഥിച്ചു. തുടർന്നാണ് ഗൗതം അദാനിയുടെ സമയോചിതമായ ഇടപെടൽ. തുടർന്ന് ഡൽഹി എയിംസിൽ പ്രവേശിപ്പിച്ചു. അനുരാഗിന്റെ ആരോഗ്യനിലയിൽ പുരോഗതിയുണ്ടെന്ന് ആശുപത്രി അധികൃതർ അറിയിച്ചു. അനുരാഗ് സുരക്ഷിതാനാണെന്ന് അറിഞ്ഞതിൽ സന്തോഷമുണ്ടെന്നും വേഗത്തിൽ സുഖം പ്രാപിക്കാൻ പ്രാർത്ഥിക്കുന്നതായും അദാനി ട്വീറ്റ് ചെയ്തു. അനുരാഗ് എത്രയും വേഗം തിരിച്ചെത്തി കൂടുതൽ കൊടുമുടികൾ കീഴടക്കാൻ കഴിയട്ടെയെന്നും അദ്ദേഹം കൂട്ടിച്ചേർത്തു.

Priti and I are privileged to be of help. We are happy to learn that Anurag is safe and are praying for his speedy recovery. We are confident that he will soon be ready to conquer more of life's peaks. 🙏🏽

— Gautam Adani (@gautam_adani) May 16, 2023