കാസർകോട് : നീലേശ്വരത്ത് ഹവാല പണവുമായി മദ്രസ അദ്ധ്യാപകൻ പിടിയിൽ. കാഞ്ഞങ്ങാട് ഒഴിഞ്ഞവളപ്പ് സ്വദേശി മദ്രസ അദ്ധ്യാപകനായ കെ കെ ഇർഷാദ്( 33)ആണ് പോലീസ് പിടിയിലായത്. സ്കൂട്ടറിൽ കടത്താൻ ശ്രമിച്ച 18 ലക്ഷം രൂപയുടെ കുഴൽപ്പണവുമായാണ് ഉസ്താദിനെ പോലീസ് പിടികൂടിയത്.
നീലേശ്വരം മാർക്കറ്റിന് സമീപമാണ് KL 86 A 1843നമ്പർ സ്കൂട്ടിയിൽ കടത്താൻ ശ്രമിച്ച 18 ലക്ഷം രൂപയുടെ കുഴൽ പണവുമായി പ്രതിയെ പോലീസ് പിടികൂടിയത്. പോലീസിന് കിട്ടിയ രഹസ്യ വിവരത്തെ തുടർന്നുള്ള പരിശോധനയിലാണ് ഉസ്താദ് കെ കെ ഇർഷാദ് പിടിയിലായത്. സീറ്റിനടിയിൽ അടുക്കി വെച്ച നിലയിലായിരുന്നു പണം. 500 രൂപയുടെ നോട്ടുകൾ ആണ് ഇയാൾ രേഖകളില്ലാതെ കടത്തിയത്.
ജില്ലയിൽ മയക്കുമരുന്നും കുഴൽപണകടത്തും വ്യാപകമാണ്. ഇതിനെ തുടർന്ന് ജില്ലാ പോലീസ് മേധാവി ഡോക്ടർ വൈഭവ് സക്സേന ഐപിഎസിന്റെ നേതൃത്വത്തിൽ നടപ്പാക്കി വരുന്ന ഓപ്പറേഷൻ ക്ലീൻ കാസറഗോഡ് പദ്ധതിയുടെ രണ്ടാം ഘട്ടത്തിന്റെ ഭാഗമായി നടത്തിയ പരിശോധനയിലാണ് പ്രതി അറസ്റ്റിലായത്. ഏപ്രിൽ 14-ാഠ തീയതി കാഞ്ഞങ്ങാട് ഡിവെെഎസ്പി പി. ബാലകൃഷ്ണൻ നായരുടെ നേതൃത്വത്തിൽ നടത്തിയ പരിശോധനയിൽ 67 ലക്ഷം രൂപ കുഴൽ പണവുമായി നാലുപുരപ്പാട്ടിൽ ഹാരിസ് എന്ന മദ്രസാ അദ്ധ്യപകൻ പിടിയിലായിരുന്നു.
Comments