കണ്ണൂർ : കൊട്ടിയൂര് ഉത്സവത്തിന് ജൂണ് ഒന്നിന് നെയ്യാട്ടത്തോടെ തുടക്കമാകും. അക്കരെ കൊട്ടിയൂരില് മെയ് 27 ന് നീരെഴുന്നെള്ളത്തോടെ ഉത്സവ ചടങ്ങുകള് ആരംഭിക്കും. ഈ വര്ഷത്തെ വൈശാഖ മഹോത്സവം ഹരിത പ്രൊട്ടോകോള് പാലിച്ചുകൊണ്ട് പൂര്ണമായും പ്ലാസ്റ്റിക്ക് മുക്ത ഉത്സവമായിട്ടാണ് നടത്തുന്നത്.
ഭക്തജനങ്ങൾക്ക് എല്ലാവിധ സൗകര്യങ്ങളും ഒരുക്കിയിട്ടുണ്ടെന്ന് ക്ഷേത്രം ഭാരവാഹികള് അറിയിച്ചു. ഹൈക്കോടതി വിധിപ്രകാരം മൊബൈല് ഫോണില് ഓണ്ലൈന് ചിത്രീകരണം , സോഷ്യല് മീഡിയ പ്രചാരണം എന്നിവ പോലിസ് നിരോധിച്ചിട്ടുണ്ട്.
വൈശാഖോത്സവനഗരിയിൽ നിരോധിത പ്ലാസ്റ്റിക്, പേപ്പർ ഉത്പന്നങ്ങൾ വിറ്റാൽ കടുത്ത നടപടി സ്വീകരിക്കുമെന്ന് ജില്ലാ ശുചിത്വ എൻഫോഴ്സ്മെന്റ് സ്ക്വാഡ് അറിയിച്ചിട്ടുണ്ട്. 500 മില്ലി ലിറ്ററിൽ താഴെയുള്ള കുടിവെള്ളക്കുപ്പികൾ, ഒറ്റത്തവണ ഉപയോഗിച്ച് വലിച്ചെറിയുന്ന പേപ്പർ കപ്പ്, പേപ്പർ പ്ലേറ്റ്, പേപ്പർ ഇല പോലുള്ളവ ഉപയോഗിക്കാൻ പാടില്ല. ഒറ്റത്തവണ ഉപയോഗിക്കുന്ന വസ്തുക്കൾ കൊണ്ട് ഭക്ഷണം പാഴ്സൽ ചെയ്യുവാനോ, ഒരുതരത്തിലുമുള്ള ക്യാരീബാഗുകളും ഉപയോഗിക്കാനോ കൈവശം വെയ്ക്കാനോ പാടില്ലെന്നും എൻഫോഴ്സ്മെന്റ് സ്ക്വാഡ് അറിയിച്ചിട്ടുണ്ട്.
Comments