ആത്മനിർഭരമാകാൻ നാവികസേന; ഡിആർഡിഒ വികസിപ്പിച്ച ടോർപ്പിഡോകളുടെ പരീക്ഷണം വൻ വിജയം; സമുദ്രാന്തര നീക്കങ്ങൾക്ക് തടയിടാൻ സേന സജ്ജം

മുംബൈ: സമുദ്രാന്തര ഭാഗത്തും ശക്തിതെളിയിച്ച്  നാവിക സേന. ഇന്ത്യൻ നിർമ്മിത ടോർപ്പിഡോ പരീക്ഷണം വൻ വിജയം. ജലോപരിതലത്തിലോ
ജലത്തിനടിയിലോ ശത്രുവിന്റെ നീക്കങ്ങളെ പരാജയപ്പെടുത്തുന്ന സംവിധാനമാണ് ടോർപ്പിഡോകൾ. സിഗരറ്റിന്റെ ആകൃതിയിലുള്ള ഇവ, ആയുധങ്ങൾ കൃത്യസ്ഥാനത്ത് എത്തിക്കുകയും നിയന്ത്രിത സ്‌ഫോടനത്തിലൂടെ ശത്രുവിന്റെ നീക്കങ്ങളെ തകർക്കുകയും ചെയ്യുന്നു.

ഇന്ത്യൻ നാവിക സേനയ്‌ക്കായി ഡിആർഡിഒ ആണ് ഹെവി വെയ്റ്റ് ടോർപ്പിഡോകൾ വികസിപ്പിച്ചത്. വിമാനവാഹിനികളിലോ അന്തർവാഹിനികളിലോ ആവശ്യാനുസരണം സജ്ജീകരിക്കാൻ സാധിക്കുന്ന രീതിയിലാണ് ടോർപ്പിഡോകളുടെ രൂപകല്പന. ടോർപ്പിഡോയുടെ വിജയകരമായ പരീക്ഷണത്തെ സമുദ്രാന്തര ഭാഗത്തും സൈനിക ശക്തി എത്തിക്കുന്നതിലുള്ള സുപ്രധാന നാഴികല്ലെന്നാണ് നാവികസേന വിശേഷിപ്പിച്ചത്.

രണ്ടാഴ്ചമുൻപാണ് എംഎച്ച് -60 എന്ന് ഹെലികോപ്റ്റർ വിമാനവാഹിനി കപ്പലായ ഐഎൻഎസ് വിക്രാന്തിൽ പറന്നിറങ്ങിയത്. ഇന്ത്യ തദ്ദേശിയമായി നിർമ്മിച്ചതാണ് ഐഎൻഎസ് വിക്രാന്ത്. കൂടാതെ മിഗ് 29 കെ എന്ന് ജെറ്റ് വിമാനത്തിന്റെ വിജയകരമായ ലാൻഡിങ്ങും ഐഎൻഎസ് വിക്രാന്തിൽ നടത്തിയിരുന്നു. എംഎച്ച്-60 റോമിയോ ഹെലികോപ്റ്റർ. ടോർപ്പിഡോ തുടങ്ങിയ സംവിധാനങ്ങൾ ഇന്ത്യൻ നാവികസേനയുടെ യുദ്ധക്കപ്പലുമായി സംയോജിപ്പിക്കുന്നത് വെള്ളത്തിനടിയിൽ നാവികസേനയുടെ കരുത്ത് വർദ്ധിപ്പിക്കും.