ഗോരഖ്‌നാഥ് ക്ഷേത്രത്തിലെ ‘ജനതാ ദർശൻ’; നേതൃത്വം വഹിച്ച് യോഗി ആദിത്യനാഥ്

ലക്‌നൗ: ഗോരഖ്നാഥ് ക്ഷേത്ര സമുച്ചയത്തിൽ സംഘടിപ്പിച്ച ‘ജനതാ ദർശൻ’ പരിപാടിയ്‌ക്ക് നേതൃത്വം വഹിച്ച് മുഖ്യമന്ത്രി യോഗി ആദിത്യനാഥ്. നിരവധി ആളുകളാണ് ‘ജനതാ ദർശൻ’ പരിപാടിയിൽ പങ്കെടുത്തത്. അഞ്ഞൂറോളം പേരുടെ പരാതികൾ അദ്ദേഹം കേൾക്കുകയും പരിഹാരങ്ങൾ കണ്ടെത്തുമെന്ന് ഉറപ്പ് നൽകുകയും ചെയ്തു.

‘താമസയോഗ്യമായ വീടില്ലാത്തവർക്ക്് സർക്കാർ പദ്ധതികളിലൂടെ വീട് നൽകുന്നതായിരിക്കും. ഗുരുതരമായ രോഗങ്ങൾ പിടിപ്പെട്ട് ചികിത്സയിൽ കഴിയുന്നവർക്ക് തുടർ ചികിത്സയ്‌ക്ക് ആവശ്യമായ സാമ്പത്തിക സഹായങ്ങൾ നൽകും. ഭൂമാഫിയ്‌ക്കെതിരെ ശക്തമായ നിയമനടപടി സ്വീകരിക്കും. ഭവനമില്ലാത്ത സ്ത്രീകൾക്ക് പ്രധാനമന്ത്രി ആവാസ് യോജന മുഖേനയോ, സംസ്ഥാന സർക്കാരിന്റെ പാർപ്പിട പദ്ധതി പ്രകാരമോ വീട് നൽകും. അടിസ്ഥാനസൗകര്യങ്ങളില്ലാതെ ബുദ്ധിമുട്ട് അനുഭവിക്കുന്നവർക്ക് ആവശ്യമായ എല്ലാ സൗകര്യങ്ങളും ചെയ്യും. ഗുരുതര രോഗ ബാധിതതരുടെ ചികിത്സാ ചെലവ് കണക്കാക്കുന്നതിനുള്ള നടപടികൾ വേഗത്തിലാക്കുമെന്നും യോഗി പറഞ്ഞു.