ഭൂമിയിൽ നിന്ന് 400 മീറ്റർ താഴെ, ഒരു രാത്രി താമസത്തിന് 36,000 രൂപ : ഇതാണ് ലോകത്തിലെ ഏറ്റവും ആഴത്തിലുള്ള ഹോട്ടൽ

ഭൂമിയിൽ നിന്ന് 400 മീറ്റർ താഴെയുള്ള ഒരു ഭൂഗർഭ മുറിയിൽ താമസിക്കാൻ നിങ്ങൾ ആഗ്രഹിക്കുന്നുണ്ടോ? ലോകത്തിലെ ഏറ്റവും ആഴത്തിലുള്ള ഹോട്ടൽ നോർത്ത് വെയിൽസിലെ സ്നോഡോണിയ പർവതനിരകൾക്ക് താഴെയാണ് സ്ഥിതി ചെയ്യുന്നത്. അരിയേരി നാഷണൽ പാർക്ക് എന്നും ഇത് അറിയപ്പെടുന്നു.

ഈ ഭൂഗർഭ ഹോട്ടൽ വളരെ ശാന്തമാണ്. ഈ ഹോട്ടലിൽ വൈദ്യുതിയും വൈഫൈയും ക്രമീകരിച്ചിട്ടുണ്ട്. പുകവലി കർശനമായി നിരോധിച്ചിരിക്കുന്നു. ഡീപ് സ്ലീപ്പ് ഹോട്ടലിൽ നാല് സ്വകാര്യ ഇരട്ട ബെഡ് ക്യാബിനുകളും ഇരട്ട കിടക്കകളുള്ള ഒരു റൊമാന്റിക് കോട്ടേജുമുണ്ട്. ശനിയാഴ്ച രാത്രി മുതൽ ഞായറാഴ്ച രാവിലെ വരെ ആഴ്ചയിൽ ഒരു ദിവസത്തേക്ക് വാടകയ്‌ക്ക് എടുക്കാം.

ഹോട്ടലിലെത്താൻ, അതിഥികൾ ആദ്യം ഒരു പുരാതന വിക്ടോറിയൻ സ്ലേറ്റ് മൈനിലൂടെ ട്രെക്കിംഗ് ചെയ്യണം. ഖനിയിലൂടെയുള്ള യാത്രയിൽ പുരാതന ഖനിത്തൊഴിലാളികൾ ഉപയോഗിച്ച ഗോവണിയും പഴയ പാലവും കടക്കണം. ഒരു മണിക്കൂർ ട്രെക്കിംഗിൽ ഒരു കോച്ച് പരിസ്ഥിതിയെക്കുറിച്ചുള്ള ധാരാളം ചരിത്ര വിവരങ്ങൾ നൽകും. യാത്രയ്‌ക്ക് മുമ്പ് അതിഥികൾക്ക് ഹെൽമറ്റ്, ലൈറ്റുകൾ, ഷീൽഡുകൾ, ബൂട്ട് എന്നിവയും നൽകും. ഒരു വലിയ ഉരുക്ക് വാതിലാണ് ഹോട്ടലിലേയ്‌ക്കുള്ള പ്രവേശന കവാടം .

ഒരു സ്വകാര്യ ക്യാബിനിൽ രണ്ടുപേർക്ക് ഒരു രാത്രി താമസത്തിന് 350 പൗണ്ട് (36,003 രൂപ), ഗ്രോട്ടോയിൽ രണ്ടുപേർ താമസിക്കുന്നതിന് 550 പൗണ്ട് (56,577 രൂപ) എന്നിങ്ങനെ ആണ് വാടക . ചായ, വെള്ളം, പ്രഭാതഭക്ഷണം എന്നിവയടക്കമാണ് വാടക ഈടാക്കുന്നത് .

ഭക്ഷണത്തിൽ അതിഥികൾക്ക് വെജ്, നോൺ വെജ് ഓപ്ഷനുകൾ ലഭ്യമാണ്. അതിഥികൾക്ക് ലോകത്തിൽ നിന്ന് അകലെയാണെന്ന തോന്നലാണ് ഈ ഹോട്ടൽ നൽകുക. .