‘റൈഡർമാർ ക്ഷമിക്കണം! ബൂട്ടുകളുടെ അഭാവമുണ്ട്’; ട്രിപ്പ് മോഡിൽ മഞ്ജു വാര്യർ; ഇത്തവണ സോളോ ട്രിപ്പ് ആണോയെന്ന് ആരാധകർ

അടുത്തിടെയാണ് മലയാളത്തിന്റെ ലേഡി സൂപ്പർസ്റ്റാർ ലൈസൻസ് സ്വന്തമാക്കിയത്. അതിന് പിന്നാലെ ബൈക്കിൽ കറങ്ങി നടപ്പാണ് മഞ്ജു വാര്യർ. അവയൊക്കെ സമൂഹമാദ്ധ്യമങ്ങളിൽ പങ്കുവെയ്‌ക്കാറുമുണ്ട് താരം. അത്തരത്തിലൊരു ബൈക്ക് റൈഡിന്റെ ചിത്രങ്ങളാണ് സമൂഹമാദ്ധ്യമങ്ങളിൽ പങ്കുവെച്ചിരിക്കുന്നത്.

ബ്ലാക്ക് ജാക്കറ്റും അണിഞ്ഞ് കാട്ടിലൂടെയാണ് ബിഎംഡബ്ല്യൂ ബൈക്കിൽ മഞ്ജുവിന്റെ സോളോ ട്രിപ്പ്. ‘നിങ്ങൾ ഇത് നേടിയിരിക്കുന്നു പെൺകുട്ടി’ എന്ന തലക്കെട്ടോടെയാണ് മഞ്ജു ചിത്രങ്ങൾ പങ്കുവെച്ചത്. റൈഡിംഗ് കോസ്റ്റിയൂമിലാണ് മഞ്ജു വാര്യർ എങ്കിലും തനിക്ക് റൈഡിംഗ് ബൂട്ട് ലഭിച്ചില്ലെന്നും താരം പറയുന്നു. ‘റൈഡിംഗ് ബൂട്ടുകളുടെ അഭാവമുണ്ട്. റൈഡർമാർ ക്ഷമിക്കണം’ എന്നാണ് മഞ്ജു കുറിച്ചത്.

മഞ്ജു വാര്യരുടെ ബൈക്ക് റൈഡിന്റെ ചിത്രങ്ങൾ

നടൻ അജിത് കുമാറിനെ ടാഗ് ചെയ്താണ് മഞ്ജു വാര്യർ ചിത്രം പോസ്റ്റ് ചെയ്തത്. അജിത്തിനൊപ്പം ലഡാക്കിലേക്ക് ബൈക്ക് റൈഡ് പോയതിന് ശേഷമാണ് തനിക്കും ബൈക്ക് ഓടിക്കണമെന്ന ആഗ്രഹമുണ്ടായതെന്ന് പലപ്പോഴായി മഞ്ജു വാര്യർ പറഞ്ഞിട്ടുണ്ട്. അതിന് ശേഷമാണ് മഞ്ജു ടൂവീലർ ലൈസൻസ് എടുത്തത്. ഇതിന് പിന്നാലെ ബിഎംഡബ്ല്യൂആർ 1259 ജിഎസ് ബൈക്കും വാങ്ങിയിരുന്നു. നടൻ സൗബിനൊപ്പം നടത്തിയ ബൈക്ക് റൈഡിന്റെ ചിത്രങ്ങളും മഞ്ജു പങ്കുവെച്ചിരുന്നു.