മിത്തും മണ്ണും മനുഷ്യനും കൂടിചേരുന്ന വലിയൊരു ആശയും പങ്കുവച്ച കന്നഡയുടെ പാൻ ഇന്ത്യൻ ചിത്രം കാന്താരയുടെ പ്രീക്വൽ, കാന്താര 2വിന്റെ ഷൂട്ടിംഗ് ഓഗസ്റ്റ് 27ന് ആരംഭിക്കുമെന്ന് വിവരം. ഋഷഭ് ഷെട്ടിയുടെ ബ്ലോക്ക് ബസ്റ്റർ ചിത്രം മലയാളക്കരയിലടക്കം തരംഗം സൃഷ്ടിച്ചിരുന്നു. കന്താരയുടെ പ്രീക്വൽ കാന്താര 2 ഒരുങ്ങുന്നുവെന്ന വാർത്ത വലിയ ആകാംക്ഷയോടെയാണ് ആരാധകർ സ്വീകരിച്ചത്.
ഈ മാസം ചിത്രീകരണം ആരംഭിച്ച് 2024 വേനൽക്കാലത്ത് സിനിമ റിലീസ് ചെയ്യാനായിരുന്നു ആദ്യം പദ്ധതിയിട്ടിരുന്നത്. എന്നാൽ പുറത്തുവരുന്ന പുതിയ റിപ്പോർട്ടുകൾ പ്രകാരം ഇപ്പോൾ ഷൂട്ടിംഗ് പ്ലാൻ ഓഗസ്റ്റിലേക്ക് മാറ്റിയെന്നതാണ്. തിരക്കഥ, അഭിനേതാക്കൾ, അണിയറപ്രവർത്തകർ എന്നിവയ്ക്ക് അന്തിമരൂപം നൽകാൻ ടീം സമയമെടുക്കുന്നു, അവർക്ക് വലിയ മാർക്കറ്റ് ഉള്ളതിനാൽ മികച്ചത് നൽകേണ്ടതുണ്ട്.
ഈ വർഷത്തിന്റെ തുടക്കത്തിൽ വിജയ് കിർഗന്ദൂർ, വാർത്താ സമ്മേളനത്തിൽ ഋഷഭ് ഷെട്ടി ഇതിനകം തന്നെ തിരക്കഥയുടെ ജോലികൾ ആരംഭിച്ചതായി വെളിപ്പെടുത്തിയിരുന്നു. സിനിമയുടെ ആദ്യ ഭാഗത്തിന് മഴക്കാലത്താണ് ഷൂട്ട് ചെയ്യേണ്ടത്, അതുകൊണ്ടാണ് മഴക്കാലത്തെ ഷൂട്ടിംഗ് സമയമായി തിരഞ്ഞെടുത്തത്. ചിത്രം ഒരു പാൻ-ഇന്ത്യൻ ചിത്രമായിരിക്കും, എല്ലാത്തരത്തിലുള്ള പ്രേക്ഷകരെയും ഒരുപോലെ ആകർഷിക്കുന്നതാകും ഈ സിനിമയെന്ന് നിർമ്മാതാക്കൾ ഉറപ്പ് തരുന്നത്.
