വ്യക്തികൾക്കും കമ്പനികൾക്കും അവയുടെ കൈവശമുള്ള പെർമനന്റ് അക്കൗണ്ട് നമ്പർ അഥവാ പാൻകാർഡ് നമ്പർ പ്രവർത്തനക്ഷമമാണ് അതോ അസാധുവാണോ എന്ന് പരിശോധിക്കാൻ സാധിക്കും. പാൻ കാർഡിൽ രേഖപ്പെടുത്തിയിട്ടുള്ള പേര്, പിതാവിന്റെ പേര്, ജനനത4ീയതി എന്നിങ്ങനെയുള്ള അടിസ്ഥാന വിവരങ്ങൾ നൽകിയതിന് ശേഷം ഓൺലൈൻ മുഖേന കാർഡ് നിലവിൽ പ്രവർത്തന ക്ഷമമാണോ അസാധുവായോ എന്ന് പരിശോധിക്കുവാൻ സാഠധിക്കും.
അക്കങ്ങളും അക്ഷരങ്ങളും ഉൾപ്പെടുന്ന 10 അക്ക ആൽഫാന്യൂമറിക് നമ്പറാണ് പെർമനനന്റ് അക്കൗണ്ട് നമ്പർ. ആദായ നികുതി വകുപ്പാണ് പാൻ കാർഡ് വിതരണം ചെയ്യുന്നത്. ഒന്നെങ്കിൽ നേരിട്ട് അപേക്ഷിക്കുന്നവർക്കോ അല്ലെങ്കിൽ അപേക്ഷയില്ലാതെ തന്നെ സർക്കാർ അനുവദിക്കുന്നവർക്കോ പാൻകാർഡ് ലഭിയ്ക്കും. നികുതി അയ്ക്കുന്നതിനും ടിഡിഎസ്/ടിസിഎസ് വരവ് രേഖപ്പെടുത്തുന്നതിനും ഉയർന്ന മൂല്യമുള്ള പണമിടപാട് നടത്തുന്നതിനുമൊക്കെ പാൻ കാർഡ് ഇല്ലാതെ സാധിയ്ക്കില്ല.
എന്നാൽ ജൂലൈ ഒന്നിന് മുൻപായി ആധാറുമായി ബന്ധിപ്പിക്കാത്ത പാൻ കാർഡുകൽ പ്രവർത്തനരഹിതമാകും എന്നായിരുന്നു ആദായ നികുതി വകുപ്പ് അറിയിച്ചിരുന്നത്. ഇതിന്റെ പശ്ചാത്തലത്തിൽ കൈവശമുള്ള പാൻകാർഡ് പ്രവർത്തനക്ഷമമാണോ എന്ന് പരിശോധിക്കുന്നതിനുള്ള മാർഗ്ഗം ചുവടെ ഉൾപ്പെടുത്തിയിരിക്കുന്നു.
പാൻകാർഡ് പ്രവർത്തനക്ഷമമാണോ അല്ലയോ എന്ന് പരിശോധിക്കേണ്ടത്…
സ്റ്റെപ് 1: ഇ-ഫയലിങ് വെബ്സൈറ്റിന്റെ ഹോംപേജ് സന്ദർശിക്കുക.
സ്റ്റെപ് 2: ഇ-ഫയിലങ് ഹോംപേജിൽ കാണുന്ന ‘വേരിഫൈ യുവർ പാൻ’ എന്നതിൽ ക്ലിക്ക് ചെയ്യുക.
സ്റ്റെപ് 3: ഇതിനു ശേഷം പാൻ നമ്പർ, മുഴുവൻ പേര്, ജനന തീയതി, നിങ്ങളുടെ കൈവശമുള്ള മൊബൈൽ നമ്പർ എന്നിവ നൽകിയ ശേഷം ‘കണ്ടിന്യൂ’ എന്നതിൽ ക്ലിക്ക് ചെയ്യുക.
സ്റ്റെപ് 4: മൊബൈൽ ഫോണിൽ ലഭിച്ച 6 അക്ക ഒടിപി വേരിഫിക്കേഷൻ പേജിൽ നൽകിയ ശേഷം ‘വാലിഡേറ്റ്’ എന്നതിൽ ക്ലിക്ക് ചെയ്യുക.
ശ്രദ്ധിക്കേണ്ടതായ കാര്യങ്ങൾ…
1. മൊബൈൽ ഫോണിൽ ലഭിക്കുന്ന ഒടിപി 15 മിനിറ്റ് നേരമാണ് നിലനിൽക്കുക.
2. ശരിയായ ഒടിപി നൽകാൻ 3 തവണയാണ് അവസരം നൽകുക.
3. ആദ്യം ലഭിച്ച ഒടിപിയുടെ സാധുത തീർന്നാൽ, റീസെൻഡ് ഒടിപി എന്നതിൽ ക്ലിക്ക് ചെയ്താൽ പുതിയ ഒടിപി ലഭിക്കുന്നതാണ്.
മോൽപ്പറഞ്ഞിരിക്കുന്ന നടപടിക്രമങ്ങൾ കൃത്യമായി പൂർത്തീകരിക്കുന്നതോടെ പാൻകാർഡ് പ്രവർത്തനക്ഷമമാണോ എന്നത് അറിയാൻ സാധിയ്ക്കും.
Comments