ബ​ഹ്റൈ​ൻ കേ​ര​ളീ​യ സമാജം ഓ​ണാ​ഘോ​ഷം ഓഗസ്റ്റ് മൂന്നി​ന് ആരംഭിക്കും

മ​നാ​മ: ബ​ഹ്റൈ​ൻ കേ​ര​ളീ​യ സ​മാ​ജ​ത്തി​ൽ ഓ​ണാ​ഘോ​ഷ​പ​രി​പാ​ടി​ക​ൾ ഓഗസ്റ്റ് മു​ന്നി​ന് ആ​രം​ഭി​ക്കും. ഗായിക കെ.​എ​സ്. ചി​ത്ര, ശ്രീ​കു​മാ​ര​ൻ ത​മ്പി, സൂ​ര്യ കൃ​ഷ്ണ​മൂ​ർ​ത്തി, പ്ര​ശ​സ്​​ത സം​ഗീ​ത ബാ​ൻ​ഡ് മ​സാ​ല കോ​ഫി, ടെ​ലി​വി​ഷ​ൻ അ​വ​താ​ര​ക​രാ​യ രാ​ജ്ക​ലേ​ഷ്, മാ​ത്തു​ക്കു​ട്ടി, സം​ഗീ​തോ​പ​ക​ര​ണ വാ​ദ​ക​രാ​യ സു​ബാ​ഷ് ചേ​ർ​ത്ത​ല, ശ്രീ​കു​മാ​ർ ക​ലാ​ഭ​വ​ൻ, പി.​എ​സ്.​ ന​രേ​ന്ദ്ര​ൻ, പി​ന്ന​ണി ഗാ​യ​ക​രാ​യ ക​ല്ല​റ ഗോ​പ​ൻ, എ​സ്.​​പി. ദേ​വാ​ന​ന്ദ്, ദേ​വി​ക വി. ​നാ​യ​ർ, രേ​ഷ്മ രാ​ഘ​വേ​ന്ദ്ര, നി​ഷാ​ദ്, യാ​സി​ൻ, വേ​ദ മി​ത്ര, പാ​ച​ക വി​ദ​ഗ്ധ​ൻ പ​ഴ​യി​ടം മോ​ഹ​ന​ൻ ന​മ്പൂ​തി​രി, നാ​ട​ൻ പു​ലി​ക​ളി​യു​ടെ പ്ര​ശ​സ്​​തി പേ​റു​ന്ന തൃ​ശൂ​രി​ൽ​നി​ന്നു​ള്ള പ​ത്തോ​ളം പു​ലി​ക്ക​ളി ക​ലാ​കാ​ര​ന്മാ​ർ തുടങ്ങിയവർ സ​മാ​ജ​ത്തി​ന്റെ ഓ​ണാ​ഘോ​ഷ​ങ്ങ​ളു​ടെ ഭാ​ഗ​മാ​കു​മെ​ന്ന് ഭാരവാഹികൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ഓ​ണാ​ഘോ​ഷ​പ​രി​പാ​ടി​ക​ൾ സെ​പ്റ്റം​ബ​ർ അ​വ​സാ​നം സ​മാ​പി​ക്കും.

വ​ടം​വ​ലി, ക​ബ​ഡി, അ​ത്ത​പൂ​ക്ക​ളം, പാ​യ​സം, തി​രു​വാ​തി​ര, ഒ​പ്പ​ന,സി​നി​മാ​റ്റി​ക് ഡാ​ൻ​സ്, ഓ​ണ​പ്പു​ട​വ, പ​ര​മ്പ​രാ​ഗ​ത ഇ​ന്ത്യ​ൻ വേ​ഷം, ഓണപ്പാട്ട് 100-ൽ ​അ​ധി​കം പേ​ർ പ​ങ്കെ​ടു​ക്കു​ന്ന തൃ​ശൂ​രി​ന്റെ ത​ന​തു പു​ലി​ക്ക​ളി, നൂ​റ്റി​യ​ൻ​പ​തോ​ളം സ്​​ത്രീ​ക​ളും പു​രു​ഷ​ന്മാ​രും കു​ട്ടി​ക​ളും പ​ങ്കെ​ടു​ക്കു​ന്ന കൈ​കൊ​ട്ടി​ക്ക​ളി, നൂ​റി​ൽ അ​ധി​കം ക​ലാ​കാ​ര​ന്മാ​രു​മാ​യി ഇ​ന്ത്യ​യു​ടെ വൈ​വി​ധ്യ സം​സ്​​കാ​രം വി​ളി​ച്ചോ​തു​ന്ന ചു​വ​ടു​ക​ളു​മാ​യി എ​ത്തു​ന്ന ‘രം​ഗ്’, ക​ളേ​ഴ്സ്​ ഓ​ഫ് ഇ​ന്ത്യ എ​ന്ന നൃ​ത്ത രൂ​പം എ​ന്നി​വ അ​ര​ങ്ങേ​റും.

കു​ട്ടി​ക​ൾ​ക്കാ​യി നാ​ട​ൻ​ക​ളി​ക​ളും, സ​ദ്യ​യും, ക​ളി​ചി​രി​ക​ളു​മാ​യി എ​ത്തു​ന്ന പി​ള്ളേ​രോ​ണം, കേ​ര​ള​ത്തി​ന്റെ സാം​സ്​​കാ​രി​ക വൈ​വി​ധ്യ​ങ്ങ​ൾ വി​ളി​ച്ചോ​തു​ന്ന ബ​ഹ്റൈ​നി​ലെ പ്ര​വാ​സി സം​ഘ​ട​ന​ക​ളും സ​മാ​ജ​ത്തി​ലെ സ​ബ്ക​മ്മി​റ്റി​ക​ളും പ​ങ്കെ​ടു​ക്കു​ന്ന മെ​ഗാ ഘോ​ഷ​യാ​ത്ര, കേ​ര​ള​ത്തി​ന്റെ രു​ചി​പ്പെ​രു​മ​ക​ൾ നി​റ​യു​ന്ന മ​ഹാ​രു​ചി​മേ​ള, സ​മാ​ജം മ​ല​യാ​ളം പാ​ഠ​ശാ​ല അ​വ​ത​രി​പ്പി​ക്കു​ന്ന ഓ​ണ​നി​ലാ​വ്, ബ​ഹ്റൈ​ൻ പ്ര​തി​ഭ അ​വ​ത​രി​പ്പി​ക്കു​ന്ന ഓ​ണം സാം​സ്​​കാ​രി​ക രാ​വ്, സ​ഹൃ​ദ​യ നാ​ട​ൻ പാ​ട്ടു സം​ഘം അ​വ​ത​രി​പ്പി​ക്കു​ന്ന നാ​ട​ൻ​പാ​ട്ടു​ക​ൾ എന്നീ പരിപാടികളും നടക്കും.