വയനാട്; അന്താരാഷ്ട്ര അരങ്ങേറ്റത്തിൽ ഇന്ത്യൻ ടീമിനായി കരുത്തപ്രകടനം കാഴ്ചവച്ച മലയാളി ക്രിക്കറ്റ് താരം മിന്നുമണിക്ക് ആദരവുമായി ജന്മനാട്. മാനന്തവാടിയിലെ മൈസൂർ റോഡ് ജംഗ്ഷന് മിന്നുമണിയുടെ പേര് നൽകി നഗരസഭ. യോഗം ചോർന്നാണ് കൗൺസിൽ ഇക്കാര്യം തീരുമാനിച്ചത്.
ഉണ്ടയങ്ങാടി-ഇടപ്പള്ളി സ്വദേശിനിയാണ് മിന്നുമണി. മാനന്തവാടി-മൈസൂർ റോഡിന് മിന്നുമണി ജംഗ്ഷൻ എന്ന് പേരിട്ട സ്ഥലത്ത് മിന്നുമണി ജംഗ്ഷൻ എന്ന ബോർഡും നഗരസഭ സ്ഥാപിച്ചു. ബംഗ്ലാദേശിനെതിരെ അരങ്ങേറിയ ആദ്യമത്സരത്തിൽ തന്നെ മലയാളി താരം വിക്കറ്റ് നേടിയാണ് അരങ്ങേറ്റം ആഘോഷമാക്കിയത്. പരമ്പരയിലുടനീളം കരുത്തുറ്റ പ്രകടനം നടത്തിയ മിന്നു അഞ്ചു വിക്കറ്റും നേടിയിരുന്നു. പരമ്പരയിൽ ഏറ്റവുമധികം വിക്കറ്റുകൾ സ്വന്തമാക്കിയ താരമായും മിന്നുമണി മാറി.
ഇന്ത്യൻ ടീമിൽ കളിച്ച ആദ്യ മലയാളി വനിതാ താരമായ മിന്നുവിന് ചോയിമൂല ഗ്രാമത്തിലെ നിവാസികൾ നിരവധി സ്വീകരണങ്ങളും നൽകിയിരുന്നു.ഏഷ്യൻ ഗെയിംസിന് പോകുന്ന ടീമിലും ഇടംപിടിച്ച താരത്തിന് മികച്ച പ്രകടനങ്ങൾ പുറത്തെടുക്കാനായാൽ ഇന്ത്യൻ ടീമിലെ സ്ഥിരം സാന്നിദ്ധ്യമാകാൻ സാധിക്കുമെന്നാണ് ഉറ്റവരുടെ പ്രതീക്ഷ.
