വില്വാദ്രിനാഥനെ തൊഴുതു തുടങ്ങാം നാലമ്പലദർശനം

കേരളത്തിലെ ശ്രീരാമക്ഷേത്രങ്ങളിൽ പ്രധാനമാണ് തിരുവില്വാമലയിലെ ശ്രീ വില്വാദ്രിനാഥക്ഷേത്രം. ശ്രീരാമ – ലക്ഷ്മണ –  ഹനുമദ് സന്നിധാനമാണ് ഈ ക്ഷേത്രം. തൃശ്ശൂർ ജില്ലയിൽ തലപ്പിള്ളി താലൂക്കിൽ തിരുവില്വാമല ഗ്രാമത്തിന്റെ കൃത്യമായ മധ്യത്തിലാണ് വില്വാദ്രിനാഥക്ഷേത്രം സ്ഥിതി ചെയ്യുന്നത്.

ഇരുപത്തൊന്ന് വട്ടം ക്ഷത്രിയകുലത്തെ മുടിച്ച പരശുരാമൻ നൂറ്റെട്ട് ശിവാലയങ്ങളും നൂറ്റെട്ട് ദുർഗ്ഗാലയങ്ങളും അഞ്ച് ശാസ്താക്ഷേത്രങ്ങളും ഏതാനും വിഷ്ണുക്ഷേത്രങ്ങളും നിർമ്മിച്ചു എന്ന് ഐതീഹ്യം. അങ്ങനെയിരിയ്‌ക്കേ ഒരു ദിവസം പിതൃലോകത്ത് നിന്നും ഏതാനും പിതൃക്കൾ ഭാർഗ്ഗവ രാമന് മുന്നിൽ പ്രത്യക്ഷപ്പെട്ടു. ‘അങ്ങ് നടത്തിയ അതിഭീകരമായ ക്ഷത്രിയ നാശത്തിലൂടെ ധാരാളം നിർഗ്ഗതിപ്രേതങ്ങൾ ഉണ്ടായിട്ടുണ്ട്. അവർക്ക് മോക്ഷം കിട്ടേണ്ടത് അത്യാവശ്യമാണ്. ഇല്ലെങ്കിൽ അവർ നാടുമുഴുവൻ നടന്ന് പ്രശ്നങ്ങളുണ്ടാക്കും. പിന്നെ രക്ഷയില്ല.’ അവർ അദ്ദേഹത്തോട് പറഞ്ഞു: അപ്പോൾ ഇതിൽ നിന്നും രക്ഷ നേടാനായി പരശുരാമൻ മഹാവിഷ്ണുവിനെ ധ്യാനിച്ചു. അപ്പോൾ ഉടനെ വില്വാദ്രിയിലെത്താനായി അദ്ദേഹത്തിന് ഒരു അശരീരിയുണ്ടായി. അവിടെ അദ്ദേഹത്തെ വരവേറ്റത് ശിവഭൂതഗണങ്ങളായിരുന്നു. അവരിൽ നിന്ന് ഭഗവാൻ ശിവൻ അവിടെയെത്തിയ വിവരമറിഞ്ഞ പരശുരാമൻ ഉടനെ ഭഗവാന്റെ അടുക്കൽ പോയി അദ്ദേഹത്തെക്കണ്ട് നമസ്കരിച്ചു. താൻ കാരണം പ്രേതങ്ങളായി മാറിയ ക്ഷത്രിയർക്ക് മോക്ഷം കിട്ടാൻ ഒരു മാർഗ്ഗം പറഞ്ഞുതരണം എന്ന് പരശുരാമൻ ശിവനോട് അഭ്യർത്ഥിച്ചു. അപ്പോൾ ശിവൻ, കൈലാസത്തിൽ താൻ പൂജിച്ചിരുന്ന പരമപവിത്രമായ വിഷ്ണുവിഗ്രഹം പരശുരാമന് സമ്മാനിച്ചു. പരശുരാമൻ അത് പ്രേതങ്ങൾക്ക് ദർശനം കിട്ടാൻ പാകത്തിൽ പ്രതിഷ്ഠിച്ചു. തുടർന്ന് പ്രേതങ്ങളെ വിളിച്ച അദ്ദേഹം അവർക്ക് ഭഗവദ്ദർശനം കൊടുത്തു. ഈ വിഗ്രഹമാണ് ഇന്ന് ക്ഷേത്രത്തിൽ കിഴക്കോട്ട് ദർശനമായി കുടികൊള്ളുന്നത്.

അതേ സമയം, ഗുരു കശ്യപന്റെപുത്രനായ അമലകൻ എന്ന മുനി വിഷ്ണുവിനെ പ്രീതിപ്പെടുത്താൻ ഒരുപാട് തപസ്സു ചെയ്തു. ഐതിഹ്യമനുസരിച്ച്, അമല (ഇന്ത്യൻ നെല്ലിക്ക) മാത്രം കഴിച്ചതിൽ നിന്നാണ് അമലകന് ഈ പേര് ലഭിച്ചത്. അവൻ തപസ്സുചെയ്യുന്നത് സ്വർഗ്ഗത്തിന്റെ ആധിപത്യം നേടാനാണെന്നു കരുതിയ ദേവന്മാർ , തപസ്സിളക്കാൻ ശ്രമം തുടങ്ങി. പല ശ്രമങ്ങൾ നടത്തിയിട്ടും തപസ്സിളകിയില്ല.
ഒടുവിൽ ദേവകൾ കശ്യപമഹർഷിയെ ശരണം പ്രാപിച്ചു. തന്റെ പുത്രന് സ്വർഗ്ഗാധിപത്യത്തിലൊന്നും മോഹമില്ലെന്നും ശുദ്ധമായ ഭക്തി മാത്രമാണ് വേണ്ടതെന്നും അദ്ദേഹം പറഞ്ഞു. ഇതോടെ ദേവന്മാർക്ക് ആശ്വാസമായി. എന്നാൽ, ഇത്തവണ ഭീതി അസുരന്മാർക്കായി.അവർ ആമലകന്റെ അടുത്ത് പരാക്രമങ്ങൾ കാണിക്കാൻ തുടങ്ങി. അദ്ദേഹം അസ്വസ്ഥനായി. ഒടുവിൽ ആമലകൻ കണ്ണ് തുറന്നു. ആ കണ്ണിൽ നിന്ന് തീജ്വാലകൾ പൊട്ടിപ്പുറപ്പെട്ടു. അസുരന്മാരെല്ലാം അഗ്നിയാൽ ദഹിപ്പിക്കപ്പെടുകയും ” രാക്ഷസപ്പാറ ” എന്ന പേരിൽ ഒരു കൂറ്റൻ പാറയായി രൂപാന്തരപ്പെടുകയും ചെയ്തു.

ദേവന്മാരെ പ്രീതിപ്പെടുത്താൻ അമലകൻ തന്റെ തപസ്സ് തുടർന്നു.വിഷ്ണു തന്റെ ഭാര്യമാരായ ശ്രീ, ഭൂമിഎന്നിവരോടും അവന്റെ കിടക്കയായ അനന്തനോടും കൂടി ആമലകന്റെ മുമ്പിൽ പ്രത്യക്ഷപ്പെട്ടു . എന്താണ് വരം വേണ്ടതെന്നു ചോദിച്ചപ്പോൾ എന്നേക്കും ഭഗവൻ അവിടെ വസിക്കണം എന്നുള്ള അദ്ദേഹം ആഗ്രഹം പ്രകടിപ്പിച്ചു. അങ്ങനെ, വിഷ്ണു തന്റെ ഭാര്യമാരോടും അനന്തനോടും ഒപ്പംസ്വയംഭൂവിഗ്രഹമായി രൂപാന്തരപ്പെട്ടു.

ശ്രീകോവിലിലെ വിഗ്രഹം ശ്രീരാമന്റെതാണെന്നും കിഴക്കോട്ട് ദർശനമുള്ള ശ്രീകോവിൽ ലക്ഷ്മണന്റേതാണെന്നും ജനകീയ വിശ്വാസം തന്നെയാണ്. രണ്ട് ദേവതകൾക്കും തുല്യ പ്രാധാന്യമുള്ളതിനാൽ രണ്ട് ശ്രീകോവിലുകളിലും ഒരേ രീതിയിലുള്ള പൂജകളും വഴിപാടുകളുമാണ് നടക്കുന്നത്. കിഴക്കേ ശ്രീകോവിലിനെ ആദ്യം ആരാധിച്ചാൽ മോക്ഷവും പടിഞ്ഞാറൻ ശ്രീകോവിലിനെ പൂജിച്ചാൽ ഭൗതിക സുഖവും ലഭിക്കുമെന്ന് വിശ്വസിക്കപ്പെടുന്നു.രണ്ട് ശ്രീകോവിലുകൾക്കും മുന്നിൽ നമസ്കാര മണ്ഡപം (പ്രണാമ മണ്ഡപം) ഇല്ല. രണ്ട് ശ്രീകോവിലുകളിലും മൂന്നാമത്തെ മുറിയിലാണ് വിഗ്രഹങ്ങൾ പ്രതിഷ്ഠിച്ചിരിക്കുന്നത്. ഗണപതിയെകിഴക്കോട്ട്അഭിമുഖമായാണ് പ്രതിഷ്ഠിച്ചിരിക്കുന്നത്. നാലമ്പലത്തിന് പുറത്ത് തെക്ക് കിഴക്ക് ഭാഗത്താണ് ഹനുമാന്റെ പ്രതിഷ്ഠ. തെക്കുഭാഗത്ത് അയ്യപ്പന്റെ പ്രതിഷ്ഠയുള്ള ഒരുശ്രീകോവിലുണ്ട്പ്രധാന ക്ഷേത്രത്തിന് 50 അടി താഴെയുള്ള ഒരു കുഴിയിൽ (മലയാളത്തിൽ ‘കുണ്ട് ‘ എന്ന് വിളിക്കപ്പെടുന്നു) ശ്രീകോവിൽ സ്ഥിതി ചെയ്യുന്നതിനാൽ ഇവിടെ ‘കുണ്ടിൽ അയ്യപ്പൻ’ എന്ന് വിളിക്കപ്പെടുന്നു. ഇവിടെ, അയ്യപ്പൻ തന്റെ പിതാവായ പരമശിവനും അദ്ദേഹത്തിന്റെ പത്നിയായപാർവതിക്കും ഒപ്പം കിഴക്കോട്ട് ദർശനമായി കുടികൊള്ളുന്നു. സമീപം നാഗദൈവങ്ങൾക്കും ബ്രഹ്മരക്ഷസ്സിനും സമർപ്പിച്ചിരിക്കുന്ന പ്രതിഷ്ഠകളുണ്ട്.അതിനു താഴെയാണ് ഭദ്രകാളിയുടെ പ്രതിഷ്ഠയുള്ള പ്രസിദ്ധമായപറക്കോട്ടുകാവ് ക്ഷേത്രം.പ്രധാന ക്ഷേത്രത്തിൽ നിന്ന് 2 കിലോമീറ്റർ അകലെ തെക്ക് കിഴക്കാണ് പുനർജനി സ്ഥിതി ചെയ്യുന്നത്. ബൃഹസ്പതിയുടെ അഭ്യർത്ഥന പ്രകാരം ദിവ്യ വാസ്തുശിൽപിയായവിശ്വകർമ്മയാണ്ഇത് നിർമ്മിച്ചതെന്ന് വിശ്വസിക്കപ്പെടുന്നു . വർഷത്തിൽ ഒരു ദിവസം മാത്രമേ മനുഷ്യർക്ക് ഈ ഗുഹയിൽ പ്രവേശിക്കാൻ കഴിയൂ – വൃശ്ചികമാസത്തിലെ ( നവംബർ-ഡിസംബർ) 11-ാം ദിവസം (ഏകാദശി), അതായത് ഗുരുവായൂർ ഏകാദശി .

തിരുവില്വാമല ക്ഷേത്രത്തിൽ ദിവസവും അഞ്ച് പൂജകളും മൂന്ന് ശീവേലികളുമുണ്ട്. ഏഴ് പ്രാവശ്യം ശംഖ് ഊതി ദേവകളെ പള്ളിയുണർത്തുന്നു.അപ്പോഴത്തെ ശാന്തവും ഐശ്വര്യപൂർണ്ണവുമായ അന്തരീക്ഷത്തിൽ പുലർച്ചെ 4 മണിക്ക് ക്ഷേത്രം തുറക്കുന്നു. ആദ്യ ദർശനത്തെ ‘നിർമാല്യ ദർശനം’ എന്ന് വിളിക്കുന്നു, അതായത് തലേദിവസത്തെ അലങ്കാരങ്ങളോടുകൂടിയ ദർശനം എന്നാണ്. ആ അലങ്കാരങ്ങൾ നീക്കം ചെയ്ത ശേഷം, ശംഖാഭിഷേകവും മറ്റ് അഭിഷേകങ്ങളും നടത്തുന്നു. തുടർന്ന് വിഗ്രഹങ്ങൾ പുതുവസ്ത്രങ്ങളും ചന്ദനവും കൊണ്ട് അലങ്കരിക്കും.ആദ്യ വഴിപാട് ‘മലർ നിവേദ്യം” ആണ്. ഇതിനുശേഷം, ഉഷപൂജയ്‌ക്ക് (രാവിലെയുള്ള പൂജ) നട അടയ്‌ക്കും. നെയ്പായസം ഈ പൂജയ്‌ക്ക് സമർപ്പിക്കുന്നു.സൂര്യോദയസമയത്ത് എതിരേറ്റുപൂജയും മഹാഗണപതിഹോമവും നടക്കും. എതിരേറ്റുപൂജ സമയത്ത്, ക്ഷേത്രത്തിലെ ഉപദേവന്മാർക്കും (ഗണപതി, ഹനുമാൻ, ശിവൻ, പാർവതി, അയ്യപ്പൻ) അന്നദാനവും ലഭിക്കും. ഇതിനുശേഷം രാവിലെ ശീവേലി ആരംഭിക്കും.

പിന്നെ ശീവേലി. ഇതിനു മൂന്ന് പ്രദക്ഷിണംഉണ്ട്. ശീവേലി സമയത്ത് ആരും നാലമ്പലത്തിൽ പ്രവേശിക്കരുത്, ഭഗവാന്റെ നാമം ജപിച്ചുകൊണ്ട് പ്രദക്ഷിണം നടത്തണം. ശീവേലിക്ക് ശേഷം, രാവിലെ 7:30 ന് ‘നവകാഭിഷേകം ആരംഭിക്കുന്നു.ഇതിനുശേഷം, വിഗ്രഹം വീണ്ടും അലങ്കരിക്കുകയും രാവിലെ 8 മണിക്ക് നിഴൽ 12 അടി ഉയരത്തിൽ എത്തുമ്പോൾ ‘പന്തീരടി പൂജ’ നടത്തുകയും ചെയ്യുന്നു. വെള്ള നിവേദ്യംഈ സമയത്ത് സമർപ്പിക്കുന്നു. പിന്നീട്, രാവിലെ 11 മണിക്ക്, ഉച്ചപൂജആരംഭിക്കുന്നു. ഈ സമയത്ത് ഭഗവാന് പാല് പായസം നിവേദിക്കുന്നു. ഉച്ചപൂജയ്‌ക്കുശേഷം ഉച്ചശീവേലിയും ഉണ്ട്. എല്ലാ ആചാരങ്ങൾക്കും ശേഷം 12 മണിക്ക് ക്ഷേത്രം അടയ്‌ക്കും.

വൈകിട്ട് 5 മണിക്ക് ക്ഷേത്രം വീണ്ടും തുറക്കും. ഓരോ ദിവസത്തെയും സൂര്യാസ്തമയമനുസരിച്ച് സന്ധ്യാസമയത്താണ് ദീപാരാധന നടത്തുന്നത്. ദീപാരാധന സമയത്ത്, ഭഗവാന്റെ നാമങ്ങൾ പലതവണ ജപിക്കുന്ന ഭക്തർ ‘സന്ധ്യാവേല’ എന്ന പ്രത്യേക ചടങ്ങും നടത്തുന്നു. വൈകുന്നേരം 7:30-ന് അത്താഴപൂജ നടത്തപ്പെടുന്നു. അപ്പം, അട, വെറ്റില ഈ സമയത്ത് ഭഗവാൻമാർക്ക് സമർപ്പിക്കുന്നത്. പിന്നീട് അത്താഴശീവേലിയും നടത്തപ്പെടുന്നു. ഈ ശീവേലിക്ക് ശേഷം, ശ്രീകോവിൽ പവിത്രമായ പുക കൊണ്ട് നിറയുന്ന ‘തൃപ്പുക’ എന്ന അന്തിമ ദർശനം നടത്തപ്പെടുന്നു രാത്രി 9 മണിക്ക് ക്ഷേത്രം അടയ്‌ക്കും.

പുൽപ്പുരമന്ദം ഭരതക്ഷേത്രം.

തിരുവില്വാമല ജംക്ഷനിൽ നിന്നും കുഴൽമന്ദം റോഡിലേക്ക് തിരിഞ്ഞ് നടുവത്ത് പാറ, പെരിങ്ങോട്ട് കുറിശ്ശി, കോട്ടായി, ചുങ്കമന്ദം വഴി പെരിയ പാലം എത്തുക. അവിടെ നിന്നും വലത്തോട്ട് തിരിഞ്ഞ് ഏകദേശം 2 km വന്നാൽ കുത്തനൂർ-തോലനൂർ റോഡിൽ എത്തിച്ചേരാം. അവിടെ നിന്നും വലത്തോട്ട് തിരിഞ്ഞ് 250 m വന്നാൽ റോഡിന് ഇടതുവശത്തുള്ള ചിന്താമണി ഗണപതി ക്ഷേത്രം കഴിഞ്ഞ് റോഡിറക്കത്തിൽ ഇടതു ഭാഗത്തേക്ക് തിരിഞ്ഞ് വന്നാൽ പുൽപ്പുരമന്ദം ശ്രീഭരത ക്ഷേത്രത്തിൽ എത്തിച്ചേരാം.

പുൽപ്പുര മന്ദം ശ്രീ ഭരതക്ഷേത്രത്തിൽ പ്രതിഷ്ഠ പടിഞ്ഞാറോട്ട് ദർശനമായാണ് ഉള്ളത് .ഉപപ്രതിഷ്ഠയില്ല. പാലക്കാട് ജില്ലയിൽ കുഴൽമന്ദം ഗ്രാമത്തിൽ ക്ഷേത്രം സ്ഥിതിചെയ്യുന്നു. നൂറ്റാണ്ടുകൾ പഴക്കമുള്ള ഭരത പ്രതിഷ്‌ഠയുള്ള അപൂർവം ക്ഷേത്രം കൂടിയാണിത്, രഘുവംശം അടക്കി ഭരിച്ച തക്ഷശിലയിലെ രാജാവിന്റെ രൂപത്തിൽ കുഴൽമന്ദം ഭരതപുരത്ത് പടിഞ്ഞാറോട്ട് ദർശനമായാണ് പ്രതിഷ്ഠ .മറ്റ് ഉപപ്രതിഷ്ഠകളൊന്നുമില്ല .ശ്രീരാമ പാദുക പൂജ ,കഞ്ഞി പകർച്ച ,താമര മാല, അർച്ചന,പായസം ,സർവ്വ ഐശ്വര പൂജ ,ചുറ്റ് വിളക്ക് തുടങ്ങിയവയാണ് പ്രധാന വഴിപാടുകൾ .
രാവിലെ 5.30 മുതൽ ഉച്ചയ്‌ക്ക് 12 വരെയും വൈകീട്ട് അഞ്ചുമുതൽ 7.30 വരെയുമാണ് ദർശനസമയം. ഉച്ചയ്‌ക്ക് കഞ്ഞിപ്പാർച്ചയുണ്ടാവും. ഫോൺ: 9961782963.

കൽക്കുളം ശത്രുഘ്നക്ഷേത്രം

ഭരത ക്ഷേത്ര ദർശനത്തിനു ശേഷം മെയിൻ റോഡിൽ വന്ന് ഇടതു ഭാഗത്തേക്ക് തിരിഞ്ഞ് ( കുത്തനൂർ ഭാഗത്തേക്ക്) ഏകദേശം 2 km വന്നാൽ കൽക്കുളം ശ്രീ ശത്രുഘ്ന സ്വാമിയെ ദർശിക്കാവുന്നതാണ്.ഈ ക്ഷേത്രത്തിനും നൂറ്റാണ്ടുകളുടെ പഴക്കമുണ്ടെന്നാണ് വിശ്വാസം. തകർന്ന് തറനിരപ്പിലായിരുന്ന ക്ഷേത്രം 2017-ൽ പുനരുദ്ധരിച്ചു. പടിഞ്ഞാറോട്ട് ദർശനമായ പുരാതന വിഗ്രഹമാണിവിടെയുള്ളത് .പുഷ്പാഞ്ജലി ,കഞ്ഞി പകർച്ച ,നെയ്യ് വിളക്ക് എന്നിവയാണ് പ്രധാന വഴിപാടുകൾ .ഉപ പ്രതിഷ്ഠയായി ഗണപതിയുമുണ്ട്.
നാലമ്പല ദർശനത്തിനു വരുന്ന ഭക്തജനങ്ങൾ മറ്റു ക്ഷേത്ര ദർശനം അന്നേ ദിവസം പാടുള്ളതല്ല.

പാലക്കാട്, പട്ടാമ്പി, പെരിന്തൽമണ്ണ ഭാഗത്തു നിന്നും വരുന്നവർക്ക്
പാലക്കാട് – ഗുരുവായൂർ ഹൈവേയിൽ ഒറ്റപ്പാലത്തിനടുത്ത് ലക്കിടി – കൂട്ടു പാത ജംക്ഷനിൽ നിന്നും തെക്കുഭാഗത്തേക്ക് ഏകദേശം 3Km മുന്നോട്ടു പോയാൽ ഭാരത പുഴക്കു കുറുകെ നിർമ്മിച്ച ലക്കിടി – പാമ്പാടി പാലവും കടന്ന് പാമ്പാടി ജംക്ഷനിൽ എത്തുകയും അവിടെ നിന്നും വീണ്ടും തെക്കോട്ട് പോയാൽ ( ആകെ 4 km ) തിരുവില്വാമലയിലെ വില്വാദ്രിനാഥ ക്ഷേത്രത്തിലെത്താം.

തൃശ്ശൂർ, കുന്നംകുളം ഭാഗത്തു നിന്നും വരുന്നവർക്ക്
തൃശ്ശൂർ – വടക്കാഞ്ചേരി – വാഴക്കോട് – ചേലക്കര – പഴയന്നൂർ – തിരുവില്വാമല വഴിയും, ദേശീയ പാതയിൽ വാണിയംപാറ – എളനാട് – പഴയന്നൂർ വഴിയും റോഡു മാർഗ്ഗം എത്തിച്ചേരാവുന്നതാണ്. കൊച്ചി – സേലം ദേശീയ പാതയിൽ പാലക്കാട് നിന്നും ആലത്തൂർ – കുഴൽമന്ദം – കോട്ടായി – പെരിങ്ങോട്ടുകുറിശ്ശി – തിരുവില്വാമല വഴിയും ക്ഷേത്രത്തിൽ എത്തിച്ചേരാവുന്നതാണ്.

കൊല്ലങ്കോട് ഭാഗത്തു നിന്നും വരുന്നവർക്ക്
കൊടുവായൂർ – കുഴൽമന്ദം വഴിയും ക്ഷേത്രത്തിലെത്തിച്ചേരാവുന്നതാണ്.തിരുവില്വാമല ക്ഷേത്രത്തിൽ നിന്ന് ഒരു മണിക്കൂറിനുള്ളിൽ ഭരതക്ഷേത്രവും ,ശത്രുഘ്ന ക്ഷേത്രവും തൊഴി തിറങ്ങാം.

അടുത്തുള്ള റെയിൽവേ സ്റ്റേഷനുകൾ
ലക്കിടി – 2 km
ഒറ്റപ്പാലം – 13 Km
ഷൊർണ്ണൂർ ജംക്ഷൻ – 27 Km
വടക്കാഞ്ചേരി – 32 Km
തൃശ്ശൂർ – 50 Km

തയ്യാറാക്കിയത് ജോക്സി ജോസഫ്