“ഹർ ഹർ മഹാദേവ്”: ഭവനത്തിൽ ശിവപൂജ നടത്തി ബോളിവുഡ് താരം സഞ്ജയ് ദത്ത്

ന്യൂഡൽഹി: ഭവനത്തിൽ ശിവപൂജ നടത്തി ബോളിവുഡ് താരം സഞ്ജയ് ദത്ത്. ശ്രാവണ മാസത്തിലെ നാലാമത്തെ തിങ്കളാഴ്ചയായ ഇന്നലെയാണ് സഞ്ജയ് ദത്ത് മുംബൈയിലെ വീട്ടിൽ ശിവപൂജ നടത്തിയത്.

പൂജയുടെ ചിത്രങ്ങൾ താരം ഇൻസ്റ്റഗ്രാമിൽ പങ്കുവെച്ചിരുന്നു. “ഇന്ന് അതിവിശിഷ്ടമായ ശിവപൂജ നടത്തി. നന്ദി ഉദയാചാര്യജി , ഹർ ഹർ മഹാദേവ്!”. എന്ന് ഇൻസ്റ്റാഗ്രാമിൽ അദ്ദേഹം കുറിച്ചു.

ഫോട്ടോയിൽ സഞ്ജയ് ദത്ത് പ്രാർത്ഥനയിൽ മുഴുകി ഇരിക്കുന്നത് കാണാം. തികഞ്ഞ ഭക്തിയോടെയാണ് അദ്ദേഹം പൂജാകർമ്മങ്ങൾ നടത്തുന്നത്. വീടിന്റെ ടെറസിലാണ് താരം പൂജ സംഘടിപ്പിച്ചത്. നിരവധി പണ്ഡിതന്മാർ പൂജാകർമ്മങ്ങൾക്ക് നേതൃത്വം നൽകി. വെള്ള കുർത്തയും പൈജാമയുമാണ് സഞ്ജയ് ധരിച്ചിരിക്കുന്നത്.

ശിവഭക്തർക്ക് വളരെ വിശേഷപ്പെട്ടതാണ് ശ്രാവണമാസം. ഉത്തരേന്ത്യയിൽ പരമശിവനെയും പാർവതി ദേവിയെയും വളരെ ഭക്തിയോടും സമർപ്പണത്തോടും കൂടി ആരാധിക്കുന്ന മാസമാണിത്. ഈ മാസത്തിലെ അവസാന തിങ്കളാഴ്ച നടത്തപ്പെടുന്ന പൂജകളും പ്രാർത്ഥനകളും അതിവിശിഷ്ടമാണ്.