രുദ്രാക്ഷം ആധുനികശാസ്ത്രത്തിന്റെ ദൃഷ്ടിയിൽ

പത്തൊമ്പതാം നൂറ്റാണ്ടിന്റെ അവസാനത്തിൽ ഇന്ത്യൻ ബൊട്ടാണിക്കൽ ഗാർഡൻ ഡയറക്ടറായിരുന്ന ഡോ. വില്യം റോക്‌സ്ബർഗ് ആണ് രുദ്രാക്ഷത്തെക്കുറിച്ച് ആദ്യമായി പഠനം തുടങ്ങിയത്. ഫ്ലോറ ഓഫ് ഇന്ത്യ ആൻഡ് നേപ്പാൾ എന്ന ഒരു ഗവേഷണ പദ്ധതിയുടെ ഭാഗമായിരുന്നു രുദ്രാക്ഷഗവേഷണം. സ്വാതന്ത്ര്യാനന്തര ഭാരതത്തിൽ ബനാറസ് ഹിന്ദു യൂണിവേഴ്‌സിറ്റിയിലെ വിവിധശാസ്ത്രവിഭാഗങ്ങൾ ഒരുമിച്ച് ചേർന്നു നടത്തിയ ഗവേഷണങ്ങളിൽ ഇന്ത്യൻ മിത്തുകളിൽ പ്രധാനപ്പെട്ട ഒന്നായ രുദ്രാക്ഷത്തിന്റെശക്തിയെക്കുറിച്ച് അമൂല്യമായ ഒട്ടേറെ വിവരങ്ങൾ ലഭിച്ചു. ബാറ്ററിയോ, കാന്തമോ പോലെ രുദ്രാക്ഷം ഇലക്ട്രിക് ചാർജ്ജുള്ളതാണെും പോസിറ്റീവ്-നെഗറ്റീവ് പോളുകൾ ഇവയ്‌ക്കുണ്ടെന്നും അത് പ്രസരിപ്പിക്കുന്ന വൈദ്യൂതോർജ്ജം ചുറ്റുപാടുകളെ ഉത്തേജിപ്പിക്കുമെന്നും ഗവേഷണത്തിൽ തെളിഞ്ഞു. മനുഷ്യശരീരത്തിൽ ഹൃദയസ്പന്ദത്തെ തുടർന്നുണ്ടാകുന്ന വൈദ്യുതകാന്തിക ഊർജ്ജ മണ്ഡലത്തിന് (ഓറ) സമം തന്നെയാണ് രുദ്രാക്ഷത്തിന്റെ ഊർജ്ജമണ്ഡലമെന്നും ആയതിനാൽ, രുദ്രാക്ഷം ധരിക്കുന്നതു കൊണ്ട് ഹൃദയസ്പന്ദനത്തെ ക്രമീകരിക്കാനാവുമെന്നും അതു വഴി നാഡീവ്യൂഹത്തിനേയും മസ്തിഷ്‌കത്തിന്റെ പ്രവർത്തനങ്ങളെയും അന്ത:സ്രാവഗ്രന്ഥികളേയും സ്വാധീനിക്കാനാവുമെന്നും അനുമാനിക്കുന്നു. ഇതു കൂടാതെ, രുദ്രാക്ഷത്തിൽ അടങ്ങിയിരിക്കുന്ന വിവിധ രാസഘടകങ്ങൾ ശരീരത്തിനാവശ്യമായ സന്തുലനാവസ്ഥ നിലനിർത്തുന്നതിന് ഉതകുന്നു . രുദ്രാക്ഷം നല്ലൊരു ആന്റീഓക്‌സിഡന്റും ഉത്തമമായ ഡീടോക്‌സിഫിക്കേഷൻ ഏജന്റും ആണ്. ആരോഗ്യം നിലനിർത്തുന്നതിന് രുദ്രാക്ഷ ധാരണം പ്രയോജനകരമാണെ് ഇതിനാൽ വെളിവാക്കപ്പെടുന്നു. ഏകാന്തത, ഡിപ്രഷൻ, ടെൻഷൻ എന്നിവ ദൂരീകരിക്കുന്നതിന് രുദ്രാക്ഷം ഗുണം ചെയ്യുമെന്നു ക്ലിനിക്കലി പ്രൂവ്ഡ് ആണ്.

പരമശിവന്റെ കണ്ണുനീർതുള്ളിയിൽ നിന്നാണ് രുദ്രാക്ഷ വൃക്ഷങ്ങൾ ഉണ്ടായതെന്നും മൂന്നു നേത്രങ്ങളിൽ നിന്നും വ്യത്യസ്ത രുദ്രാക്ഷങ്ങളാണ് ഉണ്ടായതെന്നും പുരാണങ്ങളിൽ പറയുന്നു. അതിനെ സാധൂകരിക്കുമാറ് രുദ്രാക്ഷങ്ങളുടെ കാന്തികശക്തിയെ, ആധുനികശാസ്ത്രം മൂന്നായി തിരിക്കുന്നു. ഫെറോമാഗ്നറ്റിക്, പാരാമാഗ്നെറ്റിക്, ഡയാമാഗ്നെറ്റിക് എന്നിങ്ങനെ.

രുദ്രാക്ഷത്തിന്റെ ഓറയെ പറ്റി ദേവീഭാഗവതത്തിന് വ്യക്തമായ ധാരണ ഉണ്ടെന്നത് ചില കഥകളിലൂടെ സൂചിപ്പിക്കുന്നു. ഏറെ നിന്ദ്യനും പാപിയുമായ ഒരു ബ്രാഹ്‌മണൻ തന്റെ നീണ്ടകാലത്തെ പാപകർമ്മങ്ങൾക്കൊടുവിൽ ദുർമരണപ്പെടുകയും അയാളുടെ ആത്മാവിനെ യമലോകത്തേയ്‌ക്കാനയിക്കാൻ യമകിങ്കരന്മാർ എത്തുകയും ചെയ്തു. അതേ അവസരത്തിൽ തന്നെ ശിവലോകത്ത് നിന്നു ശിവഭൂതഗണങ്ങളും അവനെ കൊണ്ടു പോകാനായി അവിടേയ്‌ക്കെത്തി. അവർ തമ്മിൽ തർക്കമായി. എന്തു പുണ്യമാണ് ശിവലോകത്തേയ്‌ക്ക് പോകാൻ പാകത്തിന് ഇവൻ ചെയ്തത് എന്ന ചോദ്യത്തിന് ഉത്തരമായി ഇവൻ മരിച്ചു വീണ സ്ഥലത്തിന് പത്തുമുഴം താഴെയായി ഭൂമിയ്‌ക്കടിയിൽ ഒരു രുദ്രാക്ഷം കിടപ്പുണ്ടെന്നും അതിന്റെ മഹത്വം കൊണ്ട് ഇവന് സായൂജ്യമായി എന്നും ശിവഭൂതങ്ങൾ അറിയിച്ചു. തുടർന്ന് ആ ബ്രാഹ്‌മണൻ ദിവ്യരൂപധാരിയായി രഥത്തിൽ കയറി ശിവലോകം പ്രാപിച്ചു. രുദ്രാക്ഷം ധരിക്കാതെയും രുദ്രാക്ഷ മാഹാത്മ്യം അറിയാതെ പോലും ഭൂമിയ്‌ക്കടിയിൽ കിടന്ന രുദ്രാക്ഷത്തിന്റെ കാന്തികപ്രഭാവം കൊണ്ട് ആ ബ്രാഹ്‌മണന് മോക്ഷമുണ്ടായി.

രുദ്രാക്ഷം ഏതു രീതിയിലായിരിക്കണം കോർത്തു മാലയാക്കേണ്ടത് എതിന് ‘വക്ത്രം വക്ത്രേന സംയോജ്യ പുച്ഛം പുച്ഛേന യോജയേത് ‘ എന്ന ദേവീ ഭാഗവതത്തിലെ വരികൾ ശാസ്ത്രീയമായി നിർണ്ണയിച്ചിരിക്കുന്നു. വാലും തലയും പരിശോധിച്ച് തല തലയോടും വാല് വാലോടും ചേർത്ത് അഭിമുഖമാകത്തക്കവണ്ണം സ്വർണ്ണമോ വെള്ളിയോ ചെമ്പോ കൊണ്ടു വേണം മാല തയ്യാറാക്കാൻ. അത് സാധ്യമായില്ലെങ്കിൽ പട്ടു നൂലെങ്കിലും വേണം. സ്വർണ്ണവും വെള്ളിയും ചെമ്പും ഇലക്ട്രിക് കണ്ടക്ടറും പട്ടുനൂൽ സെമി കണ്ടക്ടറും ആണല്ലോ. ശാസ്ത്രത്തിന്റെ ഭാഷയിൽ പറഞ്ഞാൽ പൊളാരിറ്റി നോക്കി ഫേസ് ടു ഫേസ് ആയി കോർക്കണം. കണ്ടക്ടർ മെറ്റൽ ഉപയോഗിച്ച് ഇലക്ട്രിക് സർക്യൂട്ടിലെ പാരലൽ കണക്ഷൻ രീതി അവലംബിക്കണമെന്നു സാരം. ഇപ്രകാരത്തിലായാൽ ആ മാലയിലെ എല്ലാ മണികളുടെയും എനർജി ഒറ്റ ചാർജ്ജായി ഒരു എനർജി ഫീൽഡ് സൃഷ്ടിക്കപ്പെടുന്നു. ഈ ഊർജ്ജമണ്ഡലം ധരിക്കുന്ന ആളിന്റെ ഓറയെ ബലപ്പെടുത്തുകയും ഓറയ്‌ക്ക് സംഭവിക്കുന്ന ഏറ്റക്കുറിച്ചിലിനെ (Fluctuation) നിയന്ത്രിക്കുകയും ചെയ്യുന്നു. ഓറയുടെ പരിധി ഉയർത്തുന്നതിനും അതു വഴി പ്രാപഞ്ചിക ശക്തികളെ (ഗ്രഹങ്ങൾ, നക്ഷത്രങ്ങൾ, പഞ്ചഭൂതങ്ങൾ) ആവശ്യത്തിന് ലഭിക്കുന്നതിനും അതുവഴി നവഗ്രഹദോഷങ്ങൾ നീങ്ങുന്നതിനും മാനസിക-ശാരീരിക സന്തുലനാവസ്ഥ ലഭ്യമാകുന്നതിനും കാരണമാവുന്നു

തുടരും
എഴുതിയത്
എൻ ജി മുരളി കോസ്‌മോകി
റെയ്കി ഗ്രാൻഡ് മാസ്റ്റർ, 23 വർഷമായി റെയ്കി പഠിപ്പിക്കുന്നു. പഞ്ചഗവ്യ ചികിസയിലും രുദ്രാക്ഷ തെറാപ്പിയിലും ഗവേഷണം ചെയ്യുന്നു. തൃപ്പൂണിത്തുറ സ്വദേശം.
ഫോൺ: 88480 48241
                 94470 75775