മുംബൈ: എൻഡിഎയ്ക്കൊപ്പം എത്തിയ എൻസിപി നേതാവ് അജിത് പവാറിനെ അഭിനന്ദിച്ച് കേന്ദ്ര ആഭ്യന്ത്രമന്ത്രി അമിത് ഷാ. അജിത് പവാർ ഇപ്പോൾ ശരിയായ സ്ഥലത്താണ് എത്തിയിരിക്കുന്നതെന്നായിരുന്നുഅദ്ദേഹം പറഞ്ഞത്. മഹാരാഷ്ട്ര ഉപമുഖ്യമന്ത്രി അജിത് പവാറുമായി വേദി പങ്കിടുമ്പോഴായിരുന്നു അദ്ദേഹത്തിന്റെ പരാമർശം. പൂനെയിൽ നടന്ന ഒരു പരിപാടിയിലാണ് അമിത് ഷാ അജിത് പവാറുമായി വേദി പങ്കിട്ടത്. കുറച്ച് വൈകിയെങ്കിലും, ഇപ്പോൾ ശരിയായ സ്ഥലത്താണ് എത്തിയിരിക്കുന്നത് എന്നായിരുന്നു അമിത് ഷാ അജിത് പവാറിനോട് പറഞ്ഞത്.
‘അജിത് പവാർ ഉപമുഖ്യമന്ത്രിയായതിന് ശേഷം ആദ്യമായാണ് ഞാൻ ഇവിടെ വരുന്നത്. കുറച്ച് വൈകിയെങ്കിലും നിങ്ങൾ ശരിയായ സ്ഥലത്ത് എത്തിയിരിക്കുന്നുവെന്ന് അദ്ദേഹത്തോട് പറയാൻ ഞാൻ ആഗ്രഹിക്കുന്നു, ഇത് ശരിയായ സ്ഥലമായിരുന്നു, പക്ഷേ നിങ്ങൾ വരാൻ കുറച്ച് സമയമെടുത്തു, ഇന്ന് ഞാൻ അദ്ദേഹത്തോടൊപ്പം വേദി പങ്കിടുകയാണ്.’ -അമിത് ഷാ പറഞ്ഞു.
അഭിപ്രായഭിന്നതയെ തുർന്ന് അജിത് പവാറും പ്രമുഖ നേതാക്കന്മാറും എൻസിപി നിന്നും പുറത്തുവരികയായിരുന്നു. ഇത് ശരദ് പവാറിന് ഏൽപ്പിച്ച ക്ഷതം ചെറുതല്ല. ബിജെപി- ശിവസേന സഖ്യത്തിനൊപ്പം ചേർന്നതോടെ മഹാരാഷ്ട്ര രാഷ്ട്രീയത്തിൽ വൻ മാറ്റങ്ങൾക്ക് കളമൊരുങ്ങി. ഏകനാഥ് ഷിൻഡെ നയിക്കുന്ന ബിജെപി-ശിവസേന സർക്കാരിന്റെ ഭാഗമായതോടെ അജിത് പവാർ ദേവേന്ദ്ര ഫഡ്നാവിസിനൊപ്പം മഹാരാഷ്ട്രയുടെ ഉപമുഖ്യമന്ത്രിയായി.
