ഷംസീറിന്റെ ഹിന്ദു വിരുദ്ധ പരാമർശം; കോൺഗ്രസ് സഭയിൽ ഉന്നയിക്കില്ല, തിരിച്ചടിയാകുമോയെന്ന് ഭയം

തിരുവനന്തപുരം: ഗണപതിയെ അധിക്ഷേപിച്ച സ്പീക്കർ ഷംസീറിന്റെ പരാമർശം സഭയിൽ കോൺഗ്രസ് ഉന്നയിക്കില്ല. പാർലമെന്ററി പാർട്ടി യോഗത്തിന്റേതാണ് തീരുമാനം. വിഷയം കൂടുതൽ ചർച്ചയാക്കേണ്ടതില്ലെന്നതാണ് കോൺഗ്രസിന്റെ നിലപാട്.

വിഷയം സജീവമായി ചർച്ച ചെയ്താൽ മുസ്ലീം വിഭാഗത്തിൽപ്പെട്ട ഷംസീറിനെ വേട്ടയാടുന്നു എന്ന പ്രതീതി സൃഷ്ടിക്കുമെന്നാണ് കോൺഗ്രസിന്റെ വിലയിരുത്തൽ. ഇത് മുസ്ലീം വിഭാഗത്തിനെ പാർട്ടിയിൽ നിന്നും അകറ്റുമെന്നും ലോക്‌സഭ തിരെഞ്ഞെടുപ്പിൽ അടക്കം പ്രതിഫലിക്കും എന്നുമാണ് കോൺഗ്രസിന്റെ ഭയം. മാത്രല്ല ഷംസീറിനെതിരെ പ്രതിഷേധം ഇടത് മുന്നണി മുസ്ലീം വോട്ടുകൾ സമാഹരിക്കാനുള്ള മാർഗ്ഗമാക്കുമെന്നും കോൺഗ്രസ് കരുതുന്നു. അതിനാലാണ് വിഷയം ചർച്ചയാക്കേണ്ട എന്ന നിലപാടിൽ കോൺഗ്രസ് എത്തിനിൽക്കുന്നത്.