തിരുവനന്തപുരം: പുതുപ്പള്ളിയിൽ മത്സരം ബിജെപിയും ഐഎൻഡിഐഎ മുന്നണിയും തമ്മിലെന്ന് ബിജെപി സംസ്ഥാന ജനറൽ സെക്രട്ടറി എംടി രമേശ്. ഇന്ത്യയിൽ പ്രതിപക്ഷ മുന്നണി പ്രഖ്യാപിച്ചതിന് ശേഷമുള്ള ആദ്യത്തെ തെരഞ്ഞെടുപ്പാണ് പുതുപ്പള്ളിയിലേതെന്നും അദ്ദേഹം പറഞ്ഞു. പത്രസമ്മേളനത്തിലായിരുന്നു അദ്ദേഹത്തിന്റെ പ്രതികരണം.
പുതുപ്പള്ളിയിൽ ബിജെപി വികസനമാണ് ചർച്ച ചെയ്യുന്നത്. മണ്ഡലത്തിലെ ഏറ്റവും നല്ല സ്ഥാനർത്ഥി ലിജിൻ ലാൽ ആണ്. തെരഞ്ഞെടുപ്പിനെ ഗൗരവമായി കാണുന്നത് കൊണ്ടാണ് ജില്ലാ അദ്ധ്യക്ഷനെ സ്ഥാനാർത്ഥിയാക്കിയത്. സ്പീക്കർ ഹിന്ദു ദൈവങ്ങൾക്ക് നേരെ നടത്തിയ പരാമർശം പുതുപ്പള്ളിയിൽ ചർച്ചയാകും. ആ വിഷയം ആളുകളുടെ മനസ്സിൽ ഇപ്പോഴും ഉണ്ട്. ഈ തെരഞ്ഞെടുപ്പിൽ അതിന്റെ പ്രതിഫലനം മനസ്സിലാക്കാൻ സാധിക്കുമെന്ന് അദ്ദേഹം പറഞ്ഞു.
കോട്ടയം ജില്ലാ അദ്ധ്യക്ഷൻ ലിജിൻ ലാൽ. നിരവധി ചർച്ചകൾക്കൊടുവിൽ സംസ്ഥാന നേതൃത്വം നൽകിയ പട്ടിക ദേശീയ നേതൃത്വം അംഗീകരിക്കുകയായിരുന്നു. മത്സരരംഗത്തേയ്ക്ക് എൻഡിഎയും എത്തിയതോടെ ശക്തമായ മത്സരത്തിനാകും പുതുപ്പളളി വേദിയാകുക. തെരഞ്ഞെടുപ്പ് കളത്തിൽ ഇടത്-വലത് മുന്നണികളുടെ ഇരട്ടതാപ്പ് തുറന്ന് കാട്ടി പുതുപ്പളളിയുടെ വികസനം ചർച്ചചെയ്തുളള പ്രചരണമാകും എൻഡിഎ മുന്നോട്ട് വയ്ക്കുക.
