ഓക്ലൻഡ്: ഫിഫ വനിതാ ഫുട്ബോൾ ലോകകപ്പ് ഫൈനലിൽ പ്രവേശിച്ച് സ്പെയിൻ. ഒന്നിനെതിരെ രണ്ട് ഗോളുകൾക്ക് സ്വീഡനെ കീഴടക്കിയാണ് സ്പാനിഷ് വനിതകൾ ലോകകപ്പ് ഫൈനലിൽ ആദ്യമായി പ്രവേശിക്കുന്നത്.
ആവേശകരമായ മത്സരത്തിന്റെ 10-ാം മിനിറ്റിലാണ് ഇരു ടീമുകളും ഗോളുകൾ നേടുന്നത്. നാളെ നടക്കുന്ന ഓസ്ട്രേലിയ – ഇംഗ്ലണ്ട് മത്സരത്തിലെ വിജയികളെ സ്പെയിൻ ഫൈനലിൽ നേരിടും. നാലാം തവണയാണ് ലോകകപ്പ് സെമിയിൽ സ്വീഡന് അടിതെറ്റുന്നത്.
ഗോൾ രഹിത മത്സരത്തിൽ 81-ാം മിനിറ്റിൽ സൽമ സെലസ്റ്റെ പരയൂളോയിലൂടെയാണ് സ്പെയിൻ ആദ്യഗോൾ നേടിയത്. ക്വാർട്ടറിൽ സൽമ കാഴ്ചവെച്ച അത്യുഗ്രഹൻ പ്രകടനമാണ് സ്പെയിനിന് സെമി ഫൈനൽ ടിക്കറ്റ് നേടികൊടുത്തത്.
എന്നാൽ 88-ാം മിനിറ്റിൽ റെബേക്ക ബ്ലോംവിസ്റ്റിലൂടെ സ്വീഡൻ സമനില പിടിച്ചു. പക്ഷേ നിശ്ചിത സമയം തീരാൻ ഒരു മിനിറ്റ് മാത്രം ബാക്കിയുളളപ്പോഴായിരുന്നു കാർമോണ സ്പെയിനിന്റെ വിജയ ഗോൾ നേടിയത്.
