തൃശൂർ: കുന്നംകുളത്ത് സെപ്റ്റിക് ടാങ്കിൽ അജ്ഞാത മൃതദേഹം കണ്ടെത്തി. കുന്നംകുളം അഞ്ഞൂരിൽ സ്വകാര്യ വ്യക്തിയുടെ ഉടമസ്ഥതയിലുള്ള പറമ്പിലെ സെപ്റ്റിക് ടാങ്കിലാണ് മൃതദേഹം കണ്ടെത്തിയത്.
പ്രദേശത്ത് നിന്ന് ഒരു യുവാവിനെ കാണാതായതായി പരാതിയുണ്ട്. ഈ പരാതിയിൽ പോലീസ് അന്വേഷണം നടക്കുന്നതിനിടെയാണ് അജ്ഞാത മൃതദേഹം കണ്ടെത്തിയത്.
സെപ്റ്റിക് ടാങ്കിന്റെ സ്ലാബ് ഇളകിയതായി പോലീസിന് വിവരം ലഭിച്ചതിനെ തുടർന്ന് നടത്തിയ പരിശോധനയിലാണ് ടാങ്കിൽ മൃതദേഹം കണ്ടെത്തിയത്. പറമ്പിന്റെ ഉടമ ശിവരാമൻ കഴിഞ്ഞ ദിവസം തൂങ്ങി മരിച്ചിരുന്നു.
Comments