ന്യൂയോര്‍ക്ക് : വിവേക് അഗ്നിഹോത്രി സംവിധാനം ചെയ്ത ദി വാക്‌സിന്‍ വാര്‍ ചിത്രത്തിന്റെ പ്രമോഷനുമായി ബന്ധപ്പെട്ട് യുഎസ് ടൈംസ് സ്‌ക്വയറില്‍ നടന്ന കാമ്പെയ്‌ൻ ഫ്‌ളാഷ് മോബോടെ പൂര്‍ത്തിയായി . ലോകത്തെ ഞെട്ടിച്ച കൊറോണയ്‌ക്ക് വാക്സിൻ നിർമ്മിച്ച് ലോകരാജ്യങ്ങൾക്ക് തന്നെ മാതൃകയായ ഇന്ത്യൻ മെഡിക്കൽ രംഗത്തിന്റെ കഥയാണ് വാക്സിൻ വാർ .
ഋഗ്വേദത്തിലെ നാസാദിയ സൂക്തങ്ങള്‍ ഉള്‍ക്കൊള്ളിച്ച് തയ്യാറാക്കിയതാണ് ചിത്രത്തിലെ ഗാനം . ഇതാണ് ഫ്‌ളാഷ് മോബിന്റെ സഹായത്തോടെ പുറത്തിറക്കിയത്. ഇതിന്റെ വീഡിയോ വിവേക് അഗ്നിഹോത്രി സോഷ്യൽ മീഡിയയിൽ പങ്ക് വച്ചു.‘സൃഷ്ടി സേ പെഹലേ’ എന്ന പഴയ ഗാനമാണ് ചിത്രത്തിനായി പുനരാവിഷ്‌കരിച്ചത്. ഋഗ്വേദത്തിലെ സൂക്തങ്ങളും ഗാനത്തില്‍ ഉള്‍പ്പെടുത്തിയിട്ടുണ്ട്.
ചരിത്രം സൃഷ്ടിച്ചത് ഇന്ന്: #G20ഇന്ത്യയുടെ തലേന്ന് , #TheVaccineWar-ൽ നിന്ന് , പ്രപഞ്ചം എങ്ങനെ സൃഷ്ടിക്കപ്പെട്ടു എന്ന ശാസ്ത്രത്തെക്കുറിച്ചുള്ള ഋഗ്വേദത്തിൽ നിന്നുള്ള നാസാദിയ സൂക്തം ന്യൂയോർക്കിലെ ടൈംസ് സ്ക്വയറിൽ കഥക് രൂപത്തിൽ അവതരിപ്പിക്കുമെന്ന് ആരാണ് കരുതിയിരുന്നത്. സനാതന ധർമ്മത്തെ നശിപ്പിക്കാൻ ആർക്കും കഴിയില്ല.- എന്നാണ് വിഡീയോയ്‌ക്കൊപ്പം വിവേക് അഗ്നിഹോത്രി കുറിച്ചിരിക്കുന്നത് .
കഥക് നര്‍ത്തകി അര്‍ച്ചനാ ജോഗ്ലേക്കറുടെ കഥക് സ്‌കൂളിലെ വിദ്യാർത്ഥിനികളാണ് ഫ്ലാഷ് മോബിന് ചുവട് വച്ചത് .സനാതന ധര്‍മ്മത്തെ നശിപ്പിക്കാന്‍ ആര്‍ക്കുമാവില്ലെന്ന അടിക്കുറിപ്പോടെയാണ് വിവേക് അഗ്നിഹോത്രി വീഡിയോ പങ്ക് വച്ചിരിക്കുന്നത്. ഇതാദ്യമായാണ് ഒരു ഇന്ത്യന്‍ ചിത്രത്തിലെ ഗാനം ടൈംസ് സ്‌ക്വയറില്‍ പുറത്തിറക്കുന്നത്.
Comments