കോണ്‍ഗ്രസ് പോലും നടത്തിയത് ഭാരത് ജോഡോ യാത്ര..! പലര്‍ക്കും ‘ഭാരത്’ എന്ന വാക്ക് കേള്‍ക്കുമ്പോള്‍ അരക്ഷിതാവസ്ഥ തോന്നുന്നു; വിരേന്ദര്‍ സെവാഗ്

ന്യൂഡല്‍ഹി: തന്റെ ഭാരത് പ്രസ്താവനയിലെ വിമര്‍ശങ്ങള്‍ക്ക് മറുപടിയുമായി മുന്‍ ഇന്ത്യന്‍ താരം വീരേന്ദര്‍ സെവാഗ്. ഇന്ത്യന്‍ ടീമിന്റെ ജഴ്സിയില്‍ ടീം ഭാരത് എന്ന് എഴുതണമെന്നാണ് സെവാഗ് ആവശ്യപ്പെട്ട് രംഗത്തെതിയത് കഴിഞ്ഞ ദിവസമായിരുന്നു.’നമ്മുടെ രാജ്യത്തെ ഭാരതം എന്ന് അഭിസംബോധന ചെയ്യണമെന്ന് താന്‍ പറഞ്ഞതില്‍ ആളുകള്‍ രാഷ്‌ട്രീയം കാണുന്നത് വലിയ തമാശയാണെന്ന് സെവാഗ് എക്സില്‍ പങ്കുവച്ച കുറിപ്പില്‍ വ്യക്തമാക്കി.കോണ്‍ഗ്രസ് പോലും നടത്തിയ യാത്രയുടെ പേര് ഭാരത് ജോഡോ യാത്ര എന്നായിരുന്നു. എന്നാല്‍ നിര്‍ഭാഗ്യവശാല്‍ പലര്‍ക്കും ‘ഭാരത്’ എന്ന വാക്ക് കേള്‍ക്കുമ്പോള്‍ അരക്ഷിതാവസ്ഥ തോന്നുന്നു.- എന്നും അദ്ദേഹം വ്യക്തമാക്കി.

‘ഞാന്‍ ഒരു രാഷ്‌ട്രീയ പാര്‍ട്ടിയുടെയും ആരാധകനല്ല. രാജ്യത്തെ രണ്ട് ദേശീയ പാര്‍ട്ടികളിലും നല്ലവരുണ്ട് മോശം ആള്‍ക്കാരുമുണ്ട്. അതുകൊണ്ടുതന്നെ രാഷ്‌ട്രീയ ആഗ്രഹങ്ങളൊന്നും ഇല്ലെന്ന് ഒരിക്കല്‍ കൂടി ഞാന്‍ ഉറപ്പിച്ചു പറയുന്നു. അങ്ങനെ ആഗ്രമുണ്ടായിരുന്നെങ്കില്‍ കഴിഞ്ഞ രണ്ട് ലോക്‌സഭാ തിരഞ്ഞെടുപ്പുകളിലും രണ്ട് പാര്‍ട്ടികളില്‍ നിന്നും ലഭിച്ച ഓഫറുകള്‍ ഞാന്‍ സന്തോഷത്തോടെ സ്വീകരിക്കുമായിരുന്നു. ക്രിക്കറ്റില്‍ ഞാന്‍ സ്വന്തമാക്കിയ നേട്ടങ്ങള്‍ മാത്രം മതി എനിക്ക് ടിക്കറ്റ് ലഭിക്കാന്‍.

ഹൃദയം തുറന്ന് സംസാരിക്കുന്നതും രാഷ്‌ട്രീയ അഭിലാഷവും വ്യത്യസ്തമാണ്. എന്റെ ഒരേയൊരു താത്പ്പര്യം ‘ഭാരത്’ ആണ്.സംയുക്ത പ്രതിപക്ഷം അവരുടെ മുന്നണിയെ I.N.D.I.A എന്ന് വിളിക്കുന്നതുപോലെ, അവര്‍ക്ക് സ്വയം B.H.A.R.A.T എന്ന് വിളിക്കാനും കഴിയും. അത്തരത്തില്‍ പേര് മാറ്റാനും അതിന് അനുയോജ്യമായ പൂര്‍ണ്ണരൂപം നിര്‍ദ്ദേശിക്കാനും കഴിയുന്ന നിരവധി പ്രതിഭാധനരായ ആളുകളുണ്ട് ഇവിടെ.

കോണ്‍ഗ്രസ് പോലും നടത്തിയ യാത്രയുടെ പേര് ഭാരത് ജോഡോ യാത്ര എന്നായിരുന്നു. എന്നാല്‍ നിര്‍ഭാഗ്യവശാല്‍ പലര്‍ക്കും ‘ഭാരത്’ എന്ന വാക്ക് കേള്‍ക്കുമ്പോള്‍ അരക്ഷിതാവസ്ഥ തോന്നുന്നു. എന്റെ അഭിപ്രായത്തില്‍, സഖ്യത്തിന്റെ പേര് പരിഗണിക്കാതെ തന്നെ, പ്രധാനമന്ത്രി നരേന്ദ്ര മോദിയും പ്രതിപക്ഷ നേതാവും തമ്മില്‍ അടുത്ത തിരഞ്ഞെടുപ്പില്‍ മത്സരിക്കണം. മികച്ചയാള്‍ വിജയിക്കട്ടെ. ‘ഭാരതം’ എന്ന പേരില്‍ നമ്മളെ ഒരു രാജ്യമായി അഭിസംബോധന ചെയ്താല്‍ അത് വലിയ സംതൃപ്തിയും സന്തോഷവും നല്‍കുന്ന കാര്യമാണെന്നും സെവാഗ് പോസ്റ്റില്‍ പറയുന്നു.ഏകദിന ലോകകപ്പിനുള്ള 15 അംഗ ടീം ഇന്ത്യ സ്‌ക്വാഡിന്റെ പട്ടിക ബിസിസിഐ ട്വീറ്റ് ചെയ്തത് പങ്കുവെച്ചുകൊണ്ടായിരുന്നു വീരേന്ദര്‍ സെവാഗിന്റെ കഴിഞ്ഞ ദിവസത്തെ പ്രതികരണം.

Funny when people think having a desire that our nation be addressed as Bharat is viewed as a political thing.
I am no fan of any particular political party. There are good people in both national parties and there are also very many incompetent people in both parties. I once… pic.twitter.com/9aJoJ6FEGp

— Virender Sehwag (@virendersehwag) September 6, 2023

“>