സർ, നിങ്ങളുടെ നേതൃത്വത്തിൽ ഞങ്ങൾ ഒറ്റപ്പെടില്ല ; ഓരോ ഭാരതീയന്റെയും ഹൃദയങ്ങളിൽ നിറഞ്ഞ അഭിമാനമാണ് : നരേന്ദ്രമോദിയെ അഭിനന്ദിച്ച് ഷാരൂഖ് ഖാൻ

ന്യൂഡൽഹി : ജി 20 ഉച്ചകോടിയുടെ വിജയത്തിൽ പ്രധാനമന്ത്രി നരേന്ദ്ര മോദിയെ അഭിനന്ദിച്ച് നടൻ ഷാരൂഖ് ഖാൻ . പ്രധാനമന്ത്രി നരേന്ദ്ര മോദിയുടെ പോസ്റ്റ് റീട്വീറ്റ് ചെയ്ത ശേഷമാണ് ഷാരൂഖ് മോദിയെ അഭിനന്ദിച്ച് രംഗത്തെത്തിയത് .

“ഇന്ത്യയുടെ G20 പ്രസിഡൻസിയുടെ വിജയത്തിനും ലോകജനതയുടെ മെച്ചപ്പെട്ട ഭാവിക്കുമായി രാജ്യങ്ങൾക്കിടയിൽ ഐക്യം വളർത്തിയതിന് ബഹുമാനപ്പെട്ട പ്രധാനമന്ത്രി നരേന്ദ്രമോദി ജിക്ക് അഭിനന്ദനങ്ങൾ. ഓരോ ഭാരതീയന്റെയും ഹൃദയങ്ങളിൽ നിങ്ങൾ അഭിമാനം കൊണ്ടുവന്നു സർ, നിങ്ങളുടെ നേതൃത്വത്തിൽ, ഞങ്ങൾ ഒറ്റപ്പെടില്ല, ഏകത്വത്തിൽ അഭിവൃദ്ധിപ്പെടും. ഒരു ഭൂമി, ഒരു കുടുംബം, ഒരു ഭാവി “ – ഷാരൂഖ് ഖാൻ കുറിച്ചു.

ജി 20 യ്‌ക്ക് മികച്ച നേതൃത്വം നൽകിയതിന് പ്രധാനമന്ത്രി മോദിയെ വിവിധ ലോകനേതാക്കൾ അഭിനന്ദിച്ചു . വികസ്വര രാജ്യങ്ങളുടെ ശബ്ദമായി മാറിയതിനും ഏകകണ്ഠമായി ആഫ്രിക്കൻ യൂണിയനെ (എയു) ജി 20 അംഗമാക്കിയതിലും പ്രധാനമന്ത്രി മോദിക്ക് ലോകനേതാക്കൾ നന്ദി പറഞ്ഞു.