പാക് അധീന കശ്മീർ ഭാരതത്തിന്റെ ഭാഗം; വിഡീയോ പങ്കുവച്ച് യുഎഇ

ന്യൂഡൽഹി: ജി20 ഉച്ചകോടി അവസാനിച്ചതിന് പിന്നാലെ പാക് അധീന കശ്മീരിനെയും ഇന്ത്യയുടെ ഭാഗമാക്കിയുളള വീഡിയോ പങ്കുവച്ച് യുഎഇ ഉപപ്രധാനമന്ത്രി സെയ്ഫ് ബിൻ സായിദ് അൽ നഹ്യാൻ. ഇന്ത്യ- മിഡിൽ ഈസ്റ്റ് -യൂറോപ്പ് സാമ്പത്തിക ഇടനാഴിയുടെ നിർണായക ഘടകമായാണ് ജി20 വീഡിയോയിൽ പാക് അധീന കശ്മീരിനെ ഇന്ത്യയുടെ ഉൾപ്പെടുത്തിയിരിക്കുന്നത്. പാക് അധീന കശ്മീർ വിഷയത്തിൽ യുഎഇയുടെ ഇന്ത്യ അനുകൂല നിലപാടാണ് വീഡിയോയിലൂടെ വ്യക്തമാകുന്നത്.

ഇന്ത്യ-മിഡിൽ ഈസ്റ്റ്-യൂറോപ്പ് സാമ്പത്തിക ഇടനാഴി രാജ്യങ്ങൾ തമ്മിലുള്ള ഉഭയകക്ഷി വ്യാപാരവും സഹകരണവും വർദ്ധിപ്പിക്കാനാണ് ലക്ഷ്യമിടുന്നത്. പാക് അധീന കശ്മീർ ഇന്ത്യയുടെ ഭാഗമല്ലെന്ന പാകിസ്താന്റെ വാദത്തിന് അറബ് രാജ്യങ്ങളുടെ മറുപടിയാണ് വീഡിയോ. ഇത് ഇന്ത്യ- യുഎഇ നയതന്ത്ര ബന്ധത്തിന്റെ ശക്തമായ ഉദാഹരണം കൂടിയാണ്.

في شرق الارض وغربها وين ما حل
حل السلام و جاوبته القيادات
الارض ظللها مدى حكمته ظل
لين انطوى الراي لزعيم الامارات

“شكراً شكراً شكراً.. لا أعتقد أننا سنكون هنا لولاك”
ما قاله الرئيس الأمريكي لسيدي صاحب السمو الشيخ محمد بن زايد، أثناء الاعلان عن مشروعات الممر الاقتصادي لربط الهند… pic.twitter.com/OwZkPjQtSs

— سيف بن زايد آل نهيان (@SaifBZayed) September 9, 2023

“>

ഇന്ത്യയിൽ തുടങ്ങി യൂറോപ്പ് വരെ നീളുന്ന സാമ്പത്തിക ഇടനാഴി രാജ്യങ്ങളെ സാമ്പത്തിക – വ്യാപര മേഖലകളിലെ ബന്ധങ്ങൾക്ക് ഊന്നൽ നൽകും. ഇടനാഴി യാഥാർത്ഥ്യമാകുന്നതോടെ, അന്താരാഷ്‌ട്ര ബിസിനസിന്റെ ഏറ്റവും നൂതനവും ബൃഹൃത്തായതുമായ കേന്ദ്രമായി ഇത് മാറും. ചൈനയുടെ അധിനിവേശത്തിന് ഏൽക്കുന്ന കനത്ത തിരിച്ചടിയാണിത്.