ചന്ദ്രയാന്‍-3യുടെ ദൗത്യത്തിന് പിന്നാലെ ആദിത്യ എല്‍1-ലും നിര്‍ണായക പങ്കാളിത്തം വഹിച്ചിരിക്കുകയാണ് കേരളം ആസ്ഥാനമായി പ്രവര്‍ത്തിക്കുന്ന നെസ്റ്റ് ഗ്രൂപ്പിലെ മുന്‍ നിര കമ്പനിയായ എസ്എഫ്ഒ ടെക്‌നോളജീസ്. സി ബ്രാന്‍ഡ് ട്രാന്‍സ്‌പോണ്ടര്‍, ടെലി-കമാന്‍ഡ് റിസീവര്‍ എന്നീ രണ്ട് നിര്‍ണായക ആര്‍ എഫ് പാക്കേജുകളാണ് ദൗത്യത്തിന് വേണ്ടി കമ്പനി നിര്‍മ്മിച്ചു നല്‍കിയത്.
ഗ്രൗണ്ട് സ്റ്റേഷനുകളുടെ സഹായത്തോടെ വാഹനത്തിന്റെ സഞ്ചാരപാത ഏതെന്ന് നിര്‍ണയിക്കുന്ന കമാന്‍ഡുകള്‍ സ്വീകരിക്കുന്നതിന് വേണ്ടിയാണ് ആര്‍ എഫ് പാക്കേജുകള്‍ പ്രധാനമായും ഉപയോഗിക്കുന്നത്. കമ്പനി ചെയര്‍മാനും മാനേജിംഗ് ഡയറക്ടറുമായ എന്‍ ജഹാന്‍ഗീര്‍, എക്‌സിക്യൂട്ടീവ് ഡയറക്ടറും സിഇഒമാരുമായ അല്‍ത്താഫ് ജഹാന്‍ഗീര്‍, നാസ്‌നീന്‍ ജഹാന്‍ഗീര്‍ എന്നിവരാണ് നെസ്റ്റ് ഗ്രൂപ്പിന് നേതൃത്വം നല്‍കുന്നത്.
Comments