മറ്റേതെങ്കിലും മതത്തെക്കുറിച്ച് സംസാരിക്കാൻ ധൈര്യമുണ്ടോ…! ഉദയനിധി സ്റ്റാലിനെതിരെ പൊട്ടിത്തെറിച്ച് നിർമ്മല സീതാരാമൻ

ന്യൂഡൽഹി: സനാതന ധർമ്മത്തെ കുറിച്ചുള്ള ഉദയനിധി സ്റ്റാലിന്റെ പരമാർശത്തിൽ പ്രതിഷേധം കത്തിപടരുന്നതിനിടെ രൂക്ഷ വിമർശനവുമായി കേന്ദ്ര ധനമന്ത്രി നിർമ്മല സീതാരാമൻ. മറ്റ് ഏതെങ്കിലും മതങ്ങളെ കുറിച്ച് സംസാരിക്കാൻ ധൈര്യമുണ്ടൊയെന്ന് കേന്ദ്ര മന്ത്രി വെല്ലുവിളിച്ചു. മാദ്ധ്യമപ്രവർത്തകരോട് സംസാരിക്കവെയാണ് നിർമ്മല സീതാരാമൻ ഇക്കാര്യം വ്യക്തമാക്കിയത്.

‘ഭരണഘടന അനുസരിച്ച് സത്യപ്രതിജ്ഞ ചെയ്താണ് നിങ്ങൾ മന്ത്രിയായത്. സത്യപ്രതിജ്ഞാ ചടങ്ങിൽ മറ്റുള്ളവരുടെ വികാരം വ്രണപ്പെടുത്തില്ലെന്ന് നിങ്ങൾ വ്യക്തമായി പ്രസ്താവിച്ചു. ഒരു മതത്തെ നശിപ്പിക്കുമെന്ന് പറയാനുള്ള അവകാശം നിങ്ങൾക്കില്ല. ഒരിക്കലും അത് ഉണ്ടാകുകയുമില്ല. ഹിന്ദു ക്ഷേത്രങ്ങൾ നശിപ്പിക്കാൻ ലക്ഷ്യമിട്ടുള്ള ആഹ്വാനം എങ്ങനെ കേട്ടുക്കൊണ്ടിരിക്കാനാകും

‘സനാതന ധർമ്മത്തിനെതിരെ ഇത്തരം വിദ്വേഷ പ്രസംഗങ്ങൾ കൂടുതലുണ്ടാകുന്നത് നമ്മൾ പ്രതികരിക്കാത്തതിനാലാണ്. എന്നാൽ മറ്റ് മതസ്ഥരെ അസഭ്യം പറയാനുള്ള നട്ടെല്ല് അവർക്കില്ല. മറ്റ് മതങ്ങളിൽ പ്രശ്‌നമില്ലേ.. മറ്റ് മതങ്ങളിൽ സ്ത്രീകളോട് മോശമായി പെരുമാറുന്നില്ലേ…അതിനെതിരെ സംസാരിക്കാൻ ധൈര്യപ്പെടുമോ…’എന്നും കേന്ദ്രമന്ത്രി ആഞ്ഞടിച്ചു.