ഗീതു മോഹൻദാസിന്റെ ചിത്രത്തിൽ നായകനായി സൂപ്പർ സ്റ്റാർ യഷ്; വില്ലനായി ടൊവിനോ ? ഒരുങ്ങുന്നത് പാൻ ഇന്ത്യൻ ചിത്രം

ഒരുപിടി മികച്ച ചിത്രങ്ങൾ സമ്മാനിച്ച നടിയും സംവിധായകയുമാണ് ഗീതു ഗീതു മോഹൻദാസ്. ബാലതാരമായി വെള്ളിത്തിരയിൽ എത്തി നായികയായി മാറിയ ഗീതു ഇപ്പോൾ സംവിധായകയായും തിളങ്ങുകയാണ്. നിവിൻ പോളി നായകനായ മൂത്തോൻ ആണ് ഗീതു മോഹൻദാസിന്റെ സംവിധാനത്തിൽ സംവിധാനത്തിൽ അവസാനമായി എത്തിയ ചിത്രം. ഒരിടവേഷയ്‌ക്ക് ശേഷം വീണ്ടും ഒരു ചിത്രം പ്രഖ്യാപിച്ചിരിക്കുകയാണ് ഗീതു മോഹൻദാസ്.

ഗീതു മോഹൻദാസ് സംവിധാനം ചെയ്യുന്ന ചിത്രത്തിൽ കന്നട സൂപ്പർ സ്റ്റാർ യഷ് ആണ് നായകനായെത്തുന്നത്. കെജിഎഫ് എന്ന ബ്രാഹ്മാണ്ഡ ചിത്രത്തിലൂടെ ലോകമെങ്ങും ആരാധകരെ സ്വാന്തമാക്കിയ നടനാണ് യഷ്. കെജിഎഫ് നേടിയ ചരിത്ര വിജയത്തിനുശേഷം യഷ് അഭിനയിക്കുന്ന ചിത്രം കൂടിയാണ്. അതിനാൽ തന്നെ ചിത്രത്തിനായുള്ള കാത്തിരിപ്പ് ഇരട്ടിയാണ്.

മയക്കുമരുന്ന് മാഫിയയെ കേന്ദ്രകരിച്ചാണ് യഷ് ചിത്രത്തിന്റെ കഥയെന്നാണ് ഗീതു മോഹൻദാസ് പറയുന്നത്. ഗോവ കടൽത്തീരത്തുനിന്ന് റഷ്യയിലേക്ക് നടത്തുന്ന മയക്കുമരുന്ന് ഇടപാടും തുടർ സംഭവങ്ങളുമാണ് ബിഗ് ബജറ്റിൽ ഒരുങ്ങുന്ന ചിത്രത്തിന്റെ പ്രമേയം. യഷും ഗീതു മോഹൻദാസും ഒരുമിക്കുന്ന ചിത്രത്തിന്റെ ചിത്രീകരണം ഡിസംബർ 23ന് ആരംഭിക്കും.

യഷ് 19 എന്ന് താത്കാലികമായി പേരിട്ട ചിത്രത്തിൽ പ്രതിനായക വേഷത്തിൽ ടൊവിനോ തോമസ് എത്താൻ സാധ്യതയുണ്ടെന്നാണ് റിപ്പോർട്ട്. ഇക്കാര്യത്തിൽ അന്തിമ തീരുമാനം ഉടൻ ഉണ്ടാകുമെന്നാണ് വിവരം. ചിത്രത്തിൽ മറ്റു ഭാഷകളിൽനിന്നുള്ള താരങ്ങൾ അണിനിരക്കുന്നുണ്ട്. പാൻ ഇന്ത്യൻ ചിത്രമായി ഒരുങ്ങുന്ന ചിത്രത്തിന്റെ കൂടുതൽ വിവരങ്ങൾ അണിയറ പ്രവർത്തകർ ഉടൻ പ്രഖ്യാപിക്കും. തിരക്കഥ വായിച്ച് ഇഷ്ടപ്പെട്ട യഷ് ആഴ്ചകൾക്ക് മുൻപാണ് ഗീതുവിനെ സമ്മതം അറിയിക്കുകയായിരുന്നു. അതേസമയം രാമായണത്തെ ആസ്പദമാക്കി നിതീഷ് തിവാരി ഒരുക്കുന്ന ചിത്രത്തിൽ യഷ് അഭിനയിക്കുന്നുണ്ട്.