ന്യൂഡൽഹി: ഏഷ്യൻ ഗെയിംസിൽ ക്വാഡ്രപ്പിൾ സ്‌കൾ റോവിംഗിൽ വെങ്കല നേടിയ ഇന്ത്യൻ താരങ്ങളെ അഭിനന്ദിച്ച് പ്രധാനമന്ത്രി നരേന്ദ്രമോദി. ട്വിറ്റിറിലൂടെയാണ് (എക്‌സ്) പ്രധാനമന്ത്രി അഭിനന്ദനങ്ങൾ അറിയിച്ചത്.
‘ഏഷ്യൻ ഗെയിംസിൽ പുരുഷന്മാരുടെ ക്വാഡ്രപ്പിൾ സ്‌കൾ റോവിംഗിൽ ഇന്ത്യ അവിശ്വസനീയമായ നേട്ടം കൈവരിച്ചു. സത്‌നാം സിംഗ്, പർമീന്ദർ സിംഗ്, സുഖ്മീത്, ജക്കാർ ഖാൻ എന്നിവർ വെങ്കല മെഡൽ നേടി നമ്മുടെ രാജ്യത്തിന് അഭിമാനമായി മാറിയിരിക്കുകയാണ്’ പ്രധാനമന്ത്രി ട്വിറ്ററിൽ കുറിച്ചു.
ഏഷ്യൻ ഗെയിംസിന്റെ രണ്ടാം ദിനത്തിൽ മെൻസ് ക്വാഡ്രപ്പിൾ സ്‌കൾസ് വിഭാഗത്തിലാണ് ഇന്ത്യൻ താരങ്ങൾ വെങ്കലം നേടിയത്. 6:10.81 സെക്കൻഡിൽ ഫിനിഷ് ചെയ്തതാണ് ഇന്ത്യൻ ടീം വെങ്കലം നേടിയത്. മെൻസ് ഫോർ വിഭാഗത്തിൽ ആശിഷ് കുമാർ, ഭീം സിംഗ്, ജസ്വീന്ദർ സിംഗ്, പുനിത് കുമാർ എന്നിവരടങ്ങുന്ന ടീമും വെങ്കലം നേടി. ചൈനയാണ് സ്വർണ മെഡൽ സ്വന്തമാക്കിയത്.
