ന്യൂഡൽഹി : രാജ്യത്ത് 26/11 മാതൃകയിൽ മറ്റൊരു ഭീകരാക്രമണം നടത്താൻ ഐ എസ് ഭീകരൻ അർഷാദ് വാർസി പദ്ധതിയിട്ടിരുന്നതായി ഡൽഹി പോലീസിന്റെ സ്പെഷ്യൽ സെൽ വെളിപ്പെടുത്തി. കഴിഞ്ഞ ദിവസമാണ് അർഷാദ് വാർസിയെ പോലീസ് അറസ്റ്റ് ചെയ്തത് . ഡൽഹി ജാമിയ മില്യ ഇസ്ലാമിയ സർവകലാശാലയിൽ നിന്ന് പിഎച്ച്‌ഡി ബിരുദം നേടുന്ന അർഷാദ് വാർസി ഡൽഹി കലാപത്തിന് ഷർജീൽ ഇമാമുമായി ഗൂഢാലോചന നടത്തിയെന്നും വ്യക്തമായിട്ടുണ്ട് . 2020ൽ ഡൽഹി കലാപത്തിൽ യുഎപിഎ പ്രകാരം കോടതിയിൽ സമർപ്പിച്ച കുറ്റപത്രത്തിൽ ഇയാളുടെ പേരും ഉണ്ടായിരുന്നു.
ഷഹീൻ ബാഗിലും ഡൽഹി കലാപത്തിലും ദേശവിരുദ്ധ വേദി ഒരുക്കുന്നതിൽ അർഷാദ് വാർസി സജീവമായ പങ്കുവഹിച്ചിട്ടുണ്ട്.ജാർഖണ്ഡിലെ ഗർവാ ജില്ലയിലെ റോക്കി നിവാസിയാണ് അർഷാദ് വാർസി. കുട്ടിക്കാലം മുതലേ പഠനത്തിൽ മിടുക്കനായിരുന്നുവെന്ന് അയൽക്കാർ പറയുന്നു. എന്നാൽ ഈ അറിവ് പ്രയോജനപ്പെടുത്തിയത് ഇസ്ലാമിക് സ്റ്റേറ്റിന് വേണ്ടിയായിരുന്നു . അച്ഛൻ വാരിസ് ഖാൻ സർക്കാർ അധ്യാപകനാണ് .
അർഷാദ് വാർസി സൃഷ്ടിച്ച CAA, NRC എന്നിവയ്‌ക്കെതിരെ പ്രതിഷേധിക്കാൻ റാഡിക്കൽ ഇസ്ലാമിക് ജിഹാദി ഗ്രൂപ്പും ഫേസ്ബുക്കിൽ രൂപീകരിച്ചിരുന്നു . ‘സ്റ്റുഡന്റ് ഓഫ് ജാമിഅ’ എന്നായിരുന്നു ഇതിന്റെ പേര്.ഈ ഗ്രൂപ്പിന്റെ ബയോയിൽ അർഷാദ് വാർസി “ലാ ഇലാഹ ഇല്ലല്ലാഹ് മതേതരത്വത്തിന് എതിരാണ്” എന്നാണ് എഴുതിയിരുന്നത് .
അർഷാദ് വാർസിയാണ് ഷഹീൻ ബാഗിന്റെ പ്രകോപനപരമായ മുദ്രാവാക്യങ്ങൾ എഴുതിയത് . ഡൽഹി പോലീസിന്റെ ചോദ്യം ചെയ്യലിലാണ് ഇയാൾ ഇക്കാര്യം സമ്മതിച്ചത്. അതേസമയം, സി‌എ‌എ-എൻ‌ആർ‌സിയുടെ മറവിൽ അയോദ്ധ്യ പ്രശ്‌നം മുതലെടുക്കാൻ ലഘുലേഖകൾ വിതരണം ചെയ്യുന്നതിനെക്കുറിച്ച് വാർസിയും ഷർജീൽ ഇമാമും തമ്മിൽ ചർച്ചയും നടന്നു . പൂനെ പോലീസിന്റെ കസ്റ്റഡിയിൽ നിന്ന് രക്ഷപ്പെട്ട എൻഐഎയുടെ മോസ്റ്റ് വാണ്ടഡ് ഭീകരൻ ഷാനവാസിന് ഡൽഹിയിൽ സുരക്ഷിത താമസം ഒരുക്കിയതും അർഷാദ് വാർസിയാണ് .
