ചെന്നൈ: ലോകകപ്പിലെ ആദ്യ മത്സരത്തിൽ ടോസ് നേടിയ ഓസ്ട്രേലിയക്ക് ബാറ്റിംഗ്. സ്പിന്നിനെ തുണയ്ക്കുന്ന പിച്ചിൽ മൂന്ന് സ്പിന്നർമാരുമായാണ് ഇന്ത്യ അങ്കത്തിനിറങ്ങുന്നത്. രവീന്ദ്ര ജഡേജക്കും കുൽദീപ് യാദവിനുമൊപ്പം ആർ അശ്വിനും പ്ലേയിംഗ് ഇലവനിലിടം നേടി. പേസർമാരായി മുഹമ്മദ് സിറാജും ജസ്പ്രീത് ബുമ്രയുമാണ് ഇന്ത്യൻ ടീമിലുള്ളത്.
ശുഭ്മാൻ ഗില്ലിന് പകരം ഓപ്പണിംഗിൽ ക്യാപ്റ്റൻ രോഹിത് ശർമ്മയ്ക്കൊപ്പം ഇഷാൻ കിഷനിറങ്ങും. വിരാട് കോഹ്ലി മൂന്നാം നമ്പറിൽ കളിക്കുമ്പോൾ നാലാം നമ്പറിൽ ശ്രേയസ് അയ്യരും അഞ്ചാം നമ്പറിൽ കെ എൽ രാഹുലും ആറാം നമ്പറിൽ ഹാർദിക് പാണ്ഡ്യയുമാണുള്ളത്.
ഓസ്ട്രേലിയൻ നിരയിൽ സ്പിന്നറായി ആദം സാംപ മാത്രമാണ് പ്ലേയിംഗ് ഇലവനിലുള്ളത്. മാർനസ് ലാബുഷെയ്നും ഗ്ലെൻ മാക്സ്വെല്ലുമായിരിക്കും ഓസീസിന്റെ മറ്റ് സ്പിൻ സാധ്യതകൾ. പേസർമാരായി മിച്ചൽ സ്റ്റാർക്കും ജോഷ് ഹേസൽവുഡും ക്യാപ്റ്റൻ പാറ്റ് കമിൻസും ഇലവനിലുണ്ട്.
ഓസ്ട്രേലിയ പ്ലേയിംഗ് ഇലവൻ: ഡേവിഡ് വാർണർ, മിച്ചൽ മാർഷ്, സ്റ്റീവ് സ്മിത്ത്, മാർനസ് ലാബുഷാഗ്നെ, ഗ്ലെൻ മാക്സ്വെൽ, കാമറൂൺ ഗ്രീൻ, മാർക്കസ് സ്റ്റോയിനിസ്, അലക്സ് കാരി, പാറ്റ് കമ്മിൻസ്, മിച്ചൽ സ്റ്റാർക്ക്, ആദം സാംപ, ജോഷ് ഹേസൽവുഡ്.
ഇന്ത്യ പ്ലേയിംഗ് ഇലവൻ: രോഹിത് ശർമ്മ, ഇഷാൻ കിഷൻ, വിരാട് കോലി, ശ്രേയസ് അയ്യർ, കെ എൽ രാഹുൽ, ഹാർദിക് പാണ്ഡ്യ, രവീന്ദ്ര ജഡേജ, രവിചന്ദ്രൻ അശ്വിൻ, കുൽദീപ് യാദവ്, ജസ്പ്രീത് ബുമ്ര മുഹമ്മദ് സിറാജ്.