ഡല്‍ഹി: ഇന്ത്യ-അഫ്ഗാന്‍ പോരാട്ടമെന്നതിലുപരി അതൊരു കോഹ്ലി- നവീന്‍ വൈരമെന്ന നിലയ്‌ക്കാണ് ഇന്നലത്തെ മത്സരം കണ്ടത്. എന്നാല്‍ മത്സരം പൂര്‍ത്തിയാകുമ്പോള്‍ മറ്റൊരു മാതൃകയാണ് കിംഗ് കോഹ്‌ലിയും നവീനും കായിക ലോകത്തിന് കാണിച്ചു തന്നത്. ഐപിഎല്ലില്‍ ഇരുവരും തമ്മില്‍ പരസ്പരം കൊമ്പുകോര്‍ത്തതും പ്രശ്‌നത്തില്‍ മെന്ററായ ഗൗതം ഗംഭീര്‍ ഇടപെട്ടതും പിന്നീട് അതെരു ഉടക്കിലേക്ക് കടന്നും കണ്ടതായിരുന്നു. തുടര്‍ന്ന് നവീന്‍ കളിക്കുന്ന ഗ്രൗണ്ടുകളിലെല്ലാം കോലി ചാന്റ് ഉയരുന്നതും പതിവ് കാഴ്ചയായിരുന്നു.
ഇതിനെല്ലാം പിന്നാലെ ലോകകപ്പില്‍ ഇന്നലെയാണ് ഇരുവരും ഒരുമിച്ചെത്തിയത്. എന്നാല്‍ ഉരസില്‍ പ്രതീക്ഷിച്ചിരുന്നവരെ ഇരുവരും സ്‌നേഹം കൊണ്ടാണ് കീഴ്‌പ്പെടുത്തിയത്. ഇന്നലെ അഫ്ഗാനായി നവീന്‍ ബാറ്റ് ചെയ്യാന്‍ എത്തിയപ്പോഴും, പിന്നീട് പന്തെറിയാന്‍ എത്തിയപ്പോഴും ആരാധകര്‍ കോലി ചാന്റ് ഉയര്‍ത്തിയിരുന്നു. എന്നാല്‍ ആരാധകരോട് നിശബ്ദരാവാന്‍ കോലി ആവശ്യപ്പെട്ടു. പിന്നീട് മത്സരത്തിനിടെ നവീനെ ആശ്ലേഷിച്ചും കുശലം പറഞ്ഞും ഹസ്തദാനം നല്‍കിയും കോഹ്ലി ആരാധകരുടെ ഹൃദയം കീഴടക്കി.
ഇതിനൊക്ക സാക്ഷിയായി കമന്ററി ബോക്‌സില്‍ ഗൗതം ഗംഭീറുമുണ്ടായിരുന്നു. ഇവരുടെ പൊരുമാറ്റത്തിന് പിന്നാലെ ഗംഭീറിന്റെ പ്രതികരണവുമെത്തി. ഗ്രൗണ്ടില്‍ പോരടിച്ചോളു, ഗ്രൗണ്ടിന് പുറത്ത് അത് വേണ്ടെന്നായിരുന്നു താരത്തിന്റെ പരാമര്‍ശം.
‘എല്ലാ കളിക്കാര്‍ക്കും ഗ്രൗണ്ടില്‍ അവരുടെ ടീമിന് വേണ്ടി പല്ലും നഖവും ഉപയോഗിച്ച് പോരാടാന്‍ അവകാശമുണ്ട്. അതില്‍ ഏത് രാജ്യക്കാരനെന്നോ എത്ര മികച്ച കളിക്കാരനെന്നോ വ്യത്യാസമില്ല. ഇന്ത്യ-അഫ്ഗാന്‍ പോരാട്ടത്തിനിടെ വിരാട് കോലിയും നവീന്‍ ഉള്‍ ഹഖും പരസ്പരം ആശ്ലേഷിച്ച് കുശലം പറയുന്നത് കണ്ടപ്പോള്‍ അവര്‍ തമ്മിലുള്ള പോരാട്ടം അവസാനിച്ചത് നല്ലകാര്യമായാണ് ഞാന്‍ കാണുന്നത്’.
ആരാധകരോട് പറയാനുള്ളത് കളിക്കളത്തിലെ പെരുമാറ്റത്തിന്റെ പേരില്‍ ഒരു കളിക്കാരനെ ട്രോളുകയോ പരിഹസിക്കുകയോ ചെയ്യരുത്. കാരണം, രാജ്യത്തിനായി കളിക്കുമ്പോള്‍ ഓരോരുത്തരും ആവേശത്തോടെയാകും കളിക്കുക. നവീനെ സംബന്ധിച്ചിടത്തോളം അഫ്ഗാന്‍ പോലൊരു രാജ്യത്തുനിന്ന് ആദ്യമായി ഐപിഎല്‍ കളിക്കാനെത്തുക എന്നത് വലിയ കാര്യമാണ്- ഗംഭീര്‍ കൂട്ടിച്ചേര്‍ത്തു.
View this post on Instagram
“>
View this post on Instagram
