ബോളിവുഡ് ഇതിഹാസത്തിന്റെ സങ്കടത്തിന് മറുപടി നൽകി പ്രധാനമന്ത്രി; ബച്ചനെ കച്ചിലേക്ക് സ്വാഗതം ചെയ്ത് മോദി

ന്യൂഡൽഹി: ബോളിവുഡ് ഇതിഹാസം അമിതാഭ് ബച്ചനെ കച്ചിലെ റാൻ ഉത്സവത്തിന് ക്ഷണിച്ച് പ്രധാനമന്ത്രി നരേന്ദ്രമോദി. അമിതാഭ്ബച്ചൻ എക്‌സിലൂടെ പങ്കുവെച്ച പോസ്റ്റിന് മറുപടിയായാണ് പ്രധാനമന്ത്രിയുടെ പ്രതികരണം.

” കൈലാസ പർവ്വതത്തിന്റെ ദൈവീകത, കൈലാസ പർവ്വതത്തിന്റെ ദിവ്യത്വം ഇതെല്ലാം എന്നെ വളരെ കാലങ്ങളായി അത്ഭുതപ്പെടുത്തികൊണ്ടിരിക്കുകയാണ്. പക്ഷേ എനിക്ക് ഇവിടേക്ക് പോകാൻ കഴിയില്ലെന്ന വസ്തുത ഓർക്കുമ്പോൾ വളരെയധികം ദു:ഖമുണ്ട്”- അമിതാഭ്ബച്ചൻ എക്‌സിൽ കുറിച്ചു. ഇതിന് മറുപടിയായാണ് പ്രധാനമന്ത്രി എക്‌സിൽ അമിതാഭ്ബച്ചനെ കച്ച് ഉത്സവത്തിന് ക്ഷണിച്ച് പോസ്റ്റ് പങ്കുവെച്ചത്.

” പാർവ്വതി കുണ്ഡ്, ജഗേശ്വർ ക്ഷേത്രങ്ങളിൽ ഞാൻ സന്ദർശനം നടത്തിയിരുന്നു. ഈ ക്ഷേത്രങ്ങളിലെ സന്ദർശനം വിസ്മയിപ്പിക്കുന്നതാണ്. വരും ആഴ്‌ച്ചകളിൽ കച്ചിയിൽ റാൻ ഉത്സവം ആരംഭിക്കാൻ പോകുകയാണ്. ഇവിടേക്ക് ഞാൻ നിങ്ങളെ സുസ്വാഗതം ക്ഷണിക്കുന്നു”- പ്രധാനമന്ത്രി കുറിച്ചു.

My visit to Parvati Kund and Jageshwar Temples was truly mesmerising.

In the coming weeks, Rann Utsav is starting and I would urge you to visit Kutch. Your visit to Statue of Unity is also due. https://t.co/VRyRRy3YZ8

— Narendra Modi (@narendramodi) October 15, 2023

“>

കഴിഞ്ഞ ദിവസം ക്ഷേത്ര ദർശനത്തിനായി പാർവ്വതി കുണ്ഡിൽ എത്തിയ പ്രധാനമന്ത്രി ശിവപാർവ്വതി ക്ഷേത്രത്തിൽ ആരതി നടത്തുകയും ശേഷം ഗുഞ്ചി ഗ്രാമത്തിലെ നാട്ടുകാരുമായി സംവദിക്കുകയും ചെയ്തിരുന്നു. മുഖ്യമന്ത്രി പുഷ്‌കർസിംഗ് ധാമിക്കൊപ്പം പ്രാദേശിക കലാരൂപങ്ങളുടെ പ്രദർശനത്തിൽ പങ്കെടുത്ത ശേഷമാണ് അദ്ദേഹം തിരികെ മടങ്ങിയത്.