തിരുവനന്തപുരം: കേരളാ രാജ്യാന്തര ചലചിത്രമേളയിൽ പ്രദർശിപ്പിക്കുന്ന മത്സര വിഭാഗത്തിലെ മലയാള ചിത്രങ്ങൾ തിരഞ്ഞെടുത്തു. ഡോൺ പാലത്തറ സംവിധാനം ചെയ്ത ഫാമിലി, ഫാസിൽ റസാഖ് സംവിധാനം ചെയ്ത ‘തടവ്’ എന്നിവയാണ് തിരഞ്ഞെടുക്കപ്പെട്ട ചിത്രങ്ങൾ. ‘മലയാള സിനിമ ഇന്ന് ‘വിഭാഗത്തിൽ 12 ചിത്രങ്ങളും പ്രദർശിപ്പിക്കും.
ഡിസംബർ എട്ട് മുതൽ 15 വരെയാണ് രാജ്യാന്തര ചലച്ചിത്രമേള സംഘടിപ്പിക്കുന്നത്. മത്സരചിത്രങ്ങൾ ഉൾപ്പെടെ 14 ചിത്രങ്ങൾ പ്രദർശിപ്പിക്കുന്നതായിരിക്കും. എന്നെന്നും, ഫൈവ് ഫസ്റ്റ് ഡേറ്റ്‌സ്, നീലമുടി, ആപ്പിൾ ചെടികൾ, ബി 32 മുതൽ 44 വരെ, ഷെഹർ സാദേ, ആട്ടം, ദായം, ഓ. ബേബി, കാതൽ, ആനന്ദ് മോണാലിസ മരണവും കാത്ത്, വലസൈ പറവകൾ എന്നീ ചിത്രങ്ങളാണ് ‘മലയാള സിനിമ ഇന്ന്’വിഭാഗത്തിൽ തിരഞ്ഞെടുക്കപ്പെട്ടത്.
