പതിനാലാമത് ജെ.സി. ഡാനിയേൽ ഫൗണ്ടേഷൻ ചലച്ചിത്ര പുരസ്‌കാരങ്ങൾ പ്രഖ്യാപിച്ചു. ന്നാ താൻ കേസ് കൊട് ആണ് മികച്ച ചിത്രം. കുഞ്ചാക്കോ ബോബൻ മികച്ച നടനായും മഞ്ജു വാര്യർ മികച്ച നടിയായും തിരഞ്ഞെടുക്കപ്പെട്ടു.
ന്നാ താൻ കേസ് കൊട്, അറിയിപ്പ് എന്നീ ചിത്രങ്ങളിലെ അഭിനയത്തിനാണ് കുഞ്ചാക്കോ ബോബനെ മികച്ച നടനായി തിരഞ്ഞെടുത്തത്. ആയിഷ, വെള്ളരിപട്ടണം എന്നീ ചിത്രങ്ങളിലെ പ്രകടനങ്ങളാണ് മഞ്ജു വാര്യരെ പുരസ്‌കാരത്തിന് അർഹയാക്കിയത്.
അറിയിപ്പ് എന്ന സിനിമ സംവിധാനം ചെയ്ത മഹേഷ് നാരായണനാണ് മികച്ച സംവിധായകൻ. അനിൽ ദേവ് സംവിധാനം ചെയ്ത ‘ഉറ്റവർ’ എന്ന സിനിമയാണ് മികച്ച രണ്ടാമത്തെ ചിത്രം. ഇലവീഴാപൂഞ്ചിറ സംവിധാനം ചെയ്ത ഷാഹി കബീറാണ് നവാഗത സംവിധായകൻ.
മലയാള സിനിമയുടെ പിതാവ് എന്ന് വിശേഷിപ്പിക്കപ്പെടുന്ന ഇന്ത്യൻ ചലച്ചിത്രകാരൻ ജെ.സി. ഡാനിയേലിന്റെ സംഭാവനകളെ സ്മരിക്കുന്നതിനാണ് കേരള സർക്കാർ ഈ അവാർഡ് ഏർപ്പെടുത്തിയത്. 1992 മുതൽ ജെ.സി. ഡാനിയേൽ പുരസ്‌കാരം നൽകി വരുന്നു. സംവിധായകൻ ആർ. ശരത് അദ്ധ്യക്ഷനായ ജൂറിയാണ് അവാർഡുകൾ നിർണ്ണയിച്ചത്.
