ലക്നൗ : സയ്യിദ് അഹമ്മദ് ഖാൻ ഓർമ്മ ദിനത്തിൽ ഒരുക്കിയ അലിഗഡ് മുസ്ലീം യൂണിവേഴ്‌സിറ്റിയിൽ ഒരുക്കിയ വിരുന്നിൽ ഭക്ഷ്യവിഷബാധ . 300 പെൺകുട്ടികൾ ആശുപത്രിയിൽ . ബീഗം അജിജുനിഷ ഹാളിൽ നിന്ന് ആഹാരം കഴിച്ചതിന് ശേഷമാണ് പെൺകുട്ടികളുടെ നില വഷളായത് . ഇവരെ ജെഎൻ മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്.
ആയിരകണക്കിന് വിദ്യാർഥികൾ പരിപാടിയിൽ സന്നിഹിതരായിരുന്നു. സംഭവത്തെ കുറിച്ച് അന്വേഷിക്കാൻ ആരോഗ്യവകുപ്പ് സംഘവും എഎംയുവിൽ എത്തിയിട്ടുണ്ട്. ഹോസ്റ്റലിലും അന്വേഷണം നടക്കുന്നുണ്ട്. രാത്രി 1.30 ഓടെയാണ് വിദ്യാർഥിനികൾക്ക് ഛർദ്ദിയും വയറുവേദനയും അനുഭവപ്പെട്ടത് . ഈ പെൺകുട്ടികളെല്ലാം പരിപാടിയിൽ പങ്കെടുത്ത് ആഹാരം കഴിച്ചവരാണ്.
ഹോസ്റ്റലിലെ ഡൈനിംഗ് ഏരിയയിൽ നിന്നും അടുക്കളയിൽ നിന്നും ആരോഗ്യവകുപ്പ് സംഘം ഭക്ഷണത്തിന്റെ സാമ്പിളുകൾ എടുത്തിട്ടുണ്ട്. സർവകലാശാല മൂന്നംഗ അന്വേഷണ സമിതിയും രൂപീകരിച്ചിട്ടുണ്ട്. സർവ്വകലാശാല സ്റ്റുഡന്റ്‌സ് യൂണിയൻ എഎംയുടിഎയും ഇതു സംബന്ധിച്ച് യോഗം ചേർന്നു
