തിരുവനന്തപുരം: വവ്വാലുകളുടെ സാമ്പിളുകളിൽ നിപ ആന്റിബോഡി സ്ഥിരീകരിച്ചതായി ആരോഗ്യമന്ത്രി വീണ ജോർജ്. ഇക്കാര്യം ഐസിഎംആർ മെയിൽ വഴി അറിയിച്ചിട്ടുണ്ടെന്നും നിപയെ പ്രതിരോധിക്കുന്നതിൽ ഇത് വലിയ മുതൽക്കൂട്ടാകുമെന്നും വീണാ ജോർജ് പറഞ്ഞു.
മരുതോംകരയിൽ നിന്നുള്ള വവ്വാൽ സാമ്പിളുകളിലാണ് ആന്റിബോഡി കണ്ടെത്തിയത്. 57 സാമ്പിളുകളിൽ 12 എണ്ണത്തിലാണ് ആന്റിബോഡി സ്ഥിരീകരിച്ചത്.
അതേസമയം നിപയുടെ രണ്ടാം ഘട്ടം ജനങ്ങളെ വലിയ രീതിയിൽ ആശങ്കയിലാഴ്‌ത്തിയിരുന്നു. വീണ്ടും നിപ പടർന്നുപിടിച്ചത് എന്തുകൊണ്ടാണെന്ന് കണ്ടുപിടിക്കാൻ ഗവേഷകരും ആരോഗ്യ പ്രവർത്തകരും പഠനം നടത്തി കൊണ്ടിരിക്കെയാണ്.
