രാജ്യത്തെ തിരിച്ചറിയിൽ രേഖകളിൽ ഏറ്റവും പ്രധാനമാണ് ആധാർ കാർഡ്. ഏതൊരു അപേക്ഷ സമർപ്പിക്കുന്നതിനും ഇന്ന് ആധാർ കാർഡ് ആവശ്യമാണ്. രാജ്യത്ത് എല്ലാ പൗരന്മാർക്കും ഇന്ന് ആധാർ കാർഡ്് ഉണ്ട്. എന്നാൽ ഉദ്യോഗ് ആധാർ എന്തെന്നതിൽ പലർക്കും ധാരണയുണ്ടാകില്ല. എന്തിന് വേണ്ടിയാണ് ഉദ്യോഗ് ആധാർ ഉപയോഗിക്കുന്നതെന്നും നേട്ടങ്ങൾ എന്തെല്ലാമെന്നും നോക്കാം…
എന്താണ് ഉദ്യോഗ് ആധാർ
രാജ്യത്തെ സൂക്ഷ്മ ഇടത്തരം സംരംഭങ്ങൾക്ക്
(എംഎസ്എംഇ) നൽകുന്ന ഒരു സവിശേഷ ഐഡന്റിഫിക്കേഷൻ നമ്പറാണ് ഉദ്യോഗ് ആധാർ. ഉദ്യോഗ് എന്ന പേര് പിന്നീട് ഉദ്യം എന്നാക്കി മാറ്റി. പുതിയ എംഎസ്എംഇകൾക്ക് ഉദ്യം പോർട്ടലിൽ രജിസ്റ്റർ ചെയ്ത് ഉദ്യം സർട്ടിഫിക്കറ്റ് സ്വന്തമാക്കാം. ആധാറിന് സമാനമായ ഒരു തിരിച്ചറിയൽ സംവിധാനമാണിത്. ഉദ്യോഗ് ആധാർ കാർഡ് അപേക്ഷിക്കുന്നതിന് വേണ്ടി ആധാർ കാർഡ് സമർപ്പിക്കേണ്ടത് ആവശ്യമാണ്.
ഉദ്യോഗ് ആധാർ എങ്ങനെ സ്വന്തമാക്കാം…
ഔദ്യോഗിക വെബ്‌സൈറ്റിൽ ലോഗിൻ ചെയ്തതിന് ശേഷം ആധാർ കാർഡ് വിശദാംശങ്ങൾ നൽകണം.
ഒടിപി (വൺ ടൈം പാസ്വേഡ്) ജനറേറ്റ് ചെയ്യുക എന്നതിൽ ക്ലിക്ക് ചെയ്ത് ഒടിപി നൽകുക.
ഒരു അപേക്ഷയുടെ പേജ് ലഭിക്കും.
ആവശ്യമായ വിശദാംശങ്ങൾ പൂരിപ്പിച്ച് ഡാറ്റ വീണ്ടും പരിശോധിക്കുക. തുടർന്ന് ‘സമർപ്പിക്കുക’ എന്നതിൽ ക്ലിക്ക് ചെയ്യുക
രജിസ്റ്റർ ചെയ്ത മൊബൈൽ നമ്പറിൽ മറ്റൊരു ഒടിപി ലഭിക്കും
ഒടിപി നൽകിയ ശേഷം ആപ്ലിക്കേഷൻ പൂർത്തിയാക്കാൻ അവസാനത്തെ ‘സമർപ്പിക്കുക’ ബട്ടണിൽ ക്ലിക്ക് ചെയ്യുക.
