ബംഗ്ലാദേശിനെതിരെയുള്ള മത്സരത്തില് അവസാന നിമിഷം കോഹ്ലി എങ്ങനെയെങ്കിലും സെഞ്ച്വറി പൂര്ത്തിയാക്കിയാല് മതിയെന്നാകും എതിരാളികള് പോലും കരുതിയിട്ടുണ്ടാകുക. 97 പന്തില് ഒരു സിക്സറോടെയാണ് കോഹ്ലി തന്റെ സെഞ്ച്വറി തികച്ചത്. 80 മുതല് 100 വരെയുള്ള അദ്ദേഹത്തിന്റെഓരോ റണ്ണും ആരാധകര് വന് കരഘോഷത്തോടെയാണ് വരവേറ്റത്. ഇതിനിടെ രാഹുലിനൊപ്പം കോഹ്ലിയുടെ സെഞ്ച്വറിക്ക് കാരണക്കാരനായ മറ്റൊരാളെക്കുടി ആരാധകര് പ്രശംസിക്കുന്നുണ്ട്.
ഇത് മറ്റാരുമല്ല. ഇന്നലെ വരെയും ടീം ഇന്ത്യയുടെ വില്ലനായി ആരാധകര് കണ്ടിരുന്ന അമ്പയര് റിച്ചാര്ഡ് കെറ്റില്ബറോയാണ്. അമ്പയറിന്റെ വലിയൊരു തീരുമാനമാണ് ആരാധകരുടെ കൈയടിക്ക് കാരണമായത്.ജയിക്കാന് 2 റണ്സ് വേണ്ടിയിരിക്കെ, 97 റണ്സെടുത്ത കോഹ്ലി നാഴികക്കല്ലിലെത്താന് ബൗണ്ടറി തേടുകയായിരുന്നു. നസും അഹമ്മദ് പന്ത് ലെഗ് സൈഡിലേക്ക് എറിഞ്ഞു. അത് വൈഡ് വിളിക്കുമെന്ന് കോഹ്ലി അടക്കം സ്റ്റേഡിയത്തിലെ എല്ലാവരും കരുതിയെങ്കിലും എല്ലാവരെയും അമ്പരപ്പെടുത്തിയത് അമ്പയറുടെ തീരുമാനമായിരുന്നു.
അമ്പയര് റിച്ചാര്ഡ് കെറ്റില്ബറോ അത് വൈഡ് സിഗ്നല് ചെയ്തില്ല, ഇത് ഇന്ത്യന് ഡ്രസ്സിംഗ് റൂമിനെപ്പോലും അത്ഭുതപ്പെടുത്തി. റീപ്ലേ കണ്ടപ്പോള് റിച്ചാര്ഡ് ചെറുതായി ഒന്ന് പുഞ്ചിരിക്കുന്നതായും കാണാമായിരുന്നു. അടുത്ത പന്തില് ഡീപ്പ് മിഡ് വിക്കറ്റിന് മുകളില് സിക്സറടിച്ച് കോഹ്ലി സെഞ്ച്വറി പൂര്ത്തിയാക്കി.നേരത്തെ, ഈ വര്ഷം ജൂണില് ഓസ്ട്രേലിയയ്ക്കെതിരായ ടെസ്റ്റ് ചാമ്പ്യന്ഷിപ്പ് ഫൈനലില് ശുഭ്മാന് ഗില്ലിനെ പുറത്താക്കിയ തീരുമാനത്തില് റിച്ചാര്ഡിനെതിരെ വ്യാപക വിമര്ശം ഇന്ത്യന് ആരാധകര് ഉയര്ത്തിയിരുന്നു. ഇതേ വില്ലനാണ് ഇന്ന് നായകനായത്.
#Umpire Richard Kettleborough is Real #GOAT. why always player?? 😅
Give him a medal for best umpire of all time. #ViratKohli #INDvsBAN #JaspritBumrah #HardikPandya #KLRahul #RohitSharma𓃵 #CWC23 pic.twitter.com/Zwv2xIefvB
— Abhishek Yadav (@iamabhishekky) October 19, 2023
“>