മഹാഭാരതം അഭ്രപാളിയിലേക്ക്; എത്തുന്നത് മാസ്റ്റർ പീസുകളിലെ മാസ്റ്റർപീസ്; ‘പർവ്വ’ പ്രഖ്യാപിച്ച് വിവേക് അഗ്നിഹോത്രി

പുതിയ ചിത്രത്തിന്റെ വമ്പൻ പ്രഖ്യാപനവുമായി ബോളിവുഡ് സംവിധായകൻ വിവേക് അ​ഗ്നിഹോത്രി. മഹാഭാരതത്തിൽ നിന്ന് പ്രചോദനം ഉൾക്കൊണ്ട് ഒരുക്കുന്ന ‘പർവ്വ ‘യാണ് വിവേക് ​​അഗ്നിഹോത്രിയുടെ അടുത്ത ചിത്രം. ‘ദി വാക്‌സിൻ വാർ‘നും ‘ദി കശ്‍മിര്‍ ഫയല്‍സി’നും ശേഷം എത്തുന്ന പുതിയ ചിത്രത്തെ കുറിച്ച് സംവിധായകൻ തന്നെയാണ് പ്രേക്ഷകരെ അറിയിച്ചത്. എസ്എൽ ഭൈരപ്പ എഴുതിയ ‘പർവ’ എന്ന നോവലിനെ അടിസ്ഥാനമാക്കി ഒരുക്കുന്ന ബ്രഹ്മാണ്ഡ ചിത്രം മൂന്ന് ഭാ​ഗങ്ങളിലായാണ് എത്തുക.

BIG ANNOUNCEMENT:

Is Mahabharat HISTORY or MYTHOLOGY?

We, at @i_ambuddha are grateful to the almighty to be presenting Padma Bhushan Dr. SL Bhyrappa’s ‘modern classic’:
PARVA – AN EPIC TALE OF DHARMA.

There is a reason why PARVA is called ‘Masterpiece of masterpieces’.

1/2 pic.twitter.com/BiRyClhT5c

— Vivek Ranjan Agnihotri (@vivekagnihotri) October 21, 2023

നിർമ്മാതാവും നടിയുമായ പല്ലവി ജോഷി, സഹ എഴുത്തുകാരൻ പ്രകാശ് ബെലവാടി, ‘പർവ്വ’ എന്ന യഥാർത്ഥ നോവലിന്റെ രചയിതാവ് എസ്എൽ ഭൈരപ്പ എന്നിവരുടെ സാന്നിധ്യത്തിലായിരുന്നു ചിത്രത്തെ കുറിച്ചുള്ള അദ്ദേഹത്തിന്റെ പ്രഖ്യാപനം. ചിത്രത്തിലെ പ്രധാന താരനിരയെക്കുറിച്ചുള്ള കുറിച്ചുള്ള വിവരങ്ങൾ സംവിധായകൻ വെളിപ്പെടുത്തിയിട്ടില്ല.

അതേസമയം എക്‌സിൽ പർവ്വത്തിന്റെ ​​ഫസ്റ്റ് ലുക്ക് പോസ്റ്ററും സമൂഹമാദ്ധ്യമത്തിലൂടെ വിവേക് ​​അഗ്നിഹോത്രി പുറത്തുവിട്ടു. വമ്പൻ പ്രഖ്യാപനം എന്ന് വിശേഷിപ്പിച്ചായിരുന്നു അദ്ദേഹത്തിന്റെ ട്വീറ്റ്. ”വമ്പൻ പ്രഖ്യാപനം: മഹാഭാരതം ചരിത്രമോ മിത്തോളജിയോ? പത്മഭൂഷൺ ഡോ. എസ്.എൽ. ഭൈരപ്പയുടെ ‘ക്ലാസിക് ​ഗ്രന്ഥം’ സമ്മാനിക്കാനായതിൽ ദൈവത്തിനോട് നന്ദി പറയുന്നു. പർവ്വ — ധർമ്മത്തിന്റെ ഒരു ഇതിഹാസ കഥ. പർവ്വയെ ‘മാസ്റ്റർപീസുകളിലെ മാസ്റ്റർപീസ്’ എന്ന് വിളിക്കാൻ ഒരു കാരണമുണ്ട്.” എന്നാണ് ഫസ്റ്റ് ലുക്ക് പോസ്റ്റർ പങ്കുവെച്ചുകൊണ്ട് വിവേക് ​​അഗ്നിഹോത്രി ട്വീറ്റ് ചെയ്തത്.