കാഠ്മണ്ഡു: നേപ്പാൾ തലസ്ഥാനമായ കാഠ്മണ്ഡുവിൽ 5.3 തീവ്രത രേഖപ്പെടുത്തി ഭൂചലനം. ബാഗ്മതി, ഗണ്ഡകി പ്രവശ്യകളിലും ഡൽഹി- എൻസിആറിലും ഇന്ത്യയിലെ മറ്റ് ഭാഗങ്ങളിലും ചലനത്തിന്റെ ശക്തമായ പ്രകമ്പനം അനുഭവപ്പെട്ടു. ഇന്ത്യൻ സമയം ഇന്ന് രാവിലെ 7.24 നാണ് ഭൂചലനം ഉണ്ടായത്. 10 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവ കേന്ദ്രം. നിലവിൽ നാശനഷ്ടങ്ങളും ആളപായങ്ങളും രേഖപ്പെടുത്തിയിട്ടില്ലെന്ന് നാഷണൽ സെന്റർ ഓഫ് സെസിമോളജി അറിയിച്ചു.
