ന്യൂഡൽഹി : കർഷകർക്കായി സ്മാർട് വില്ലേജ് ഒരുക്കുകയാണെന്ന് കേന്ദ്രമന്ത്രി നിതിൻ ഗഡ്കരി . സ്മാർട്ട് വില്ലേജിൽ കർഷകർക്ക് 5 ലക്ഷം രൂപയ്ക്ക് സ്വന്തമായി പ്ലോട്ടും വീടും , കൂടാതെ ആജീവനാന്തം സൗജന്യ വൈദ്യുതിയും വെള്ളവും ലഭിക്കുമെന്നും അദ്ദേഹം പറഞ്ഞു.
ഇന്ന് കർഷകന്റെ നില കൂടുതൽ ശക്തമായി. കർഷകർ കടക്കെണിയിൽ നിന്ന് മുക്തരായി. ഓറഞ്ചിന്റെ ഉത്പാദനം വർധിപ്പിക്കാനുള്ള പ്രവർത്തനങ്ങൾ പുരോഗമിക്കുകയാണ്. ഒരേക്കറിൽ ഓറഞ്ച്, സോയാബീൻ, പരുത്തി എന്നിവയുടെ ഉൽപ്പാദനം എങ്ങനെ വർധിപ്പിക്കാമെന്നതിനുള്ള പ്രവർത്തനങ്ങളും നടന്നുവരികയാണെന്ന് അദ്ദേഹം പറഞ്ഞു.
ചില പോരായ്മകൾ, ചില തെറ്റുകൾ, ചില ഭൂപ്രശ്നങ്ങൾ, കുറച്ച് ജലക്ഷാമം എന്നിവയുണ്ടെന്നും ഈ പ്രശ്നങ്ങൾ പരിഹരിച്ച് പുതിയ സാങ്കേതികവിദ്യ കൊണ്ടുവന്ന് കർഷകരെ അഭിവൃദ്ധിപ്പെടുത്തുമെന്നും നിതിൻ ഗഡ്കരി പറഞ്ഞു.