ന്യൂഡൽഹി: ലോകമെമ്പാടുമുള്ള മലയാളികൾക്ക് കേരളപ്പിറവി ആശംസകൾ നേർന്ന് പ്രധാനമന്ത്രി നരേന്ദ്രമോദി. സാംസ്‌കാരിക തനിമ കൊണ്ടും ഉത്സാഹത്തോടെയുള്ള പ്രവർത്തനങ്ങൾ കൊണ്ടുമാണ് കേരളം അറിയപ്പെടുന്നതെന്ന് പ്രധാനമന്ത്രി പറഞ്ഞു. എക്‌സിലൂടെയായിരുന്നു(ട്വിറ്റർ) അദ്ദേഹം ആശംസകൾ നേർന്നത്.
‘കേരളപ്പിറവി ദിനത്തിൽ എല്ലാവർക്കും ആശംസകൾ. ഉത്സാഹപൂർണമായ പ്രവർത്തനങ്ങൾ കൊണ്ടും പൈതൃകം, സാംസ്‌കാരിക സമ്പന്നമായ തനിമ എന്നിവ കൊണ്ടുമാണ് കേരളം അറിയപ്പെടുന്നത്. കേരളത്തിലെ ജനങ്ങൾ ആകട്ടെ മനോധൈര്യവും നിശ്ചയദാർഢ്യവും ഉൾക്കൊള്ളുന്നവരുമാണ്. എപ്പോഴും വിജയം നേടാൻ കേരളത്തിലെ ജനങ്ങൾക്ക് കഴിയട്ടേ. പ്രവൃത്തികളിലൂടെ പ്രചോദനം നൽകുന്നത് കേരളത്തിലെ ജനങ്ങൾ തുടരട്ടെ’- പ്രധാനമന്ത്രി പറഞ്ഞു.
https://twitter.com/narendramodi/status/1719569720721236457?s=20
Greetings on the special occasion of Kerala Piravi. Known for their diligence and the rich tapestry of their cultural heritage, the people of Kerala embody resilience and determination. May they always be touched by success and continue to inspire with their accomplishments.
അതേസമയം ഐക്യകേരളം രൂപം കൊണ്ടിട്ട് അറുപത്തിയേഴ് വർഷങ്ങളാണ് പിന്നിടുന്നത്. ഇതിന്റെ ഭാഗമായി സർക്കാർ തലത്തിലും അല്ലാതെയുമായി വിപുലമായ രീതിയിൽ ഇത്തവണയും കേരളപ്പിറവി ആഘോഷിക്കുന്നു.
