തിരുവനന്തപുരം: കേരളത്തിലെ ട്രെയിൻ സർവീസുകൾ പുനഃക്രമീകരിച്ച് ദക്ഷിണ റെയിൽവേ. മാഹി സ്റ്റേഷനിൽ സംയോജിത സ്റ്റീൽ ഗർഡർ പാലം ഉറപ്പിക്കുന്ന പ്രവർത്തനങ്ങളും റോഡ് ഓവർ ബ്രിഡ്ജ് ജോലികളും നടക്കുന്നുണ്ട്. പാലക്കാട് ഡിവിഷന് കീഴിലെ പാതകളിലും അറ്റകുറ്റപ്പണികൾ നടക്കുന്നുണ്ട്. ഇതിനാലാണ് ദക്ഷിണ റെയിൽവേ സമക്രമത്തിൽ മാറ്റംവരുത്തിയിരിക്കുന്നത്.
ട്രെയിൻ സർവ്വീസുകളിലെ മാറ്റം ഇപ്രകാരമാണ്;
മംഗലാപുരം സെൻട്രൽ – ഡോ. എംജിആർ ചെന്നൈ സെൻട്രൽ വെസ്റ്റ് കോസ്റ്റ് സൂപ്പർഫാസ്റ്റ് എക്സ്പ്രസ് (ട്രെയിൻ നമ്പർ: 22638)- മംഗലാപുരം സെൻട്രൽ സ്റ്റേഷനിൽ നിന്ന് രാത്രി 11.45 ന് പുറപ്പെടുന്ന ട്രെയിൻ സർവ്വീസ് പുലർച്ചെ 2.35ന് മംഗളൂരു സെൻട്രലിൽ നിന്ന് ആരംഭിക്കും. നവംബർ 2, 3, 4, 5, 6, 8 തീയതികളിലാണ് സമയത്തിൽ മാറ്റം.
ഡോ. എംജിആർ ചെന്നൈ സെൻട്രൽ -മാംഗലാപുരം സെൻട്രൽ വെസ്റ്റ് കോസ്റ്റ് സൂപ്പർഫാസ്റ്റ് എക്സ്പ്രസ് (22637)- ഡോ. എംജിആർ ചെന്നൈ സെൻട്രൽ സ്റ്റേഷനിൽ നിന്ന് ഉച്ചയ്‌ക്ക് 1.25 ന് പുറപ്പെടേണ്ടിയിരുന്ന ട്രെയിൻ വൈകിട്ട് 4.25 ന് പുറപ്പെടും. പുതുക്കിയ സമയം നവംബർ 8 വരെ ഏഴ് ദിവസത്തേക്ക് ബാധകമായിരിക്കും.
കൊച്ചുവേളി-ഭാവ്നഗർ ടെർമിനസ് പ്രതിവാര എക്സ്പ്രസ് (19259)- നവംബർ 2ന് 3.45ന് കൊച്ചുവേളിയിൽ നിന്ന് പുറപ്പെടുണ്ട കൊച്ചുവേളി-ഭാവ്നഗർ ടെർമിനസ് പ്രതിവാര എക്സ്പ്രസ് (19259) നാലിന് കൊച്ചുവേളിയിൽ നിന്ന് രാത്രി 7.35ന് പുറപ്പെടും.
എറണാകുളം ജംഗ്ഷൻ-ഓഖ ബൈ-വീക്ക്ലി എക്സ്പ്രസ് (16338)- നവംബർ 3ന് എറണാകുളം ജംഗ്ഷൻ സ്റ്റേഷനിൽ നിന്ന് രാത്രി 8.25-ന് പുറപ്പെടേണ്ടിയിരുന്ന ട്രെയിൻ 3 മണിക്കൂറും 50 മിനിറ്റും വൈകി 12.15-ന് എറണാകുളം ജംഗ്ഷൻ സ്റ്റേഷനിൽ നിന്ന് പുറപ്പെടും.
തിരുവനന്തപുരം-ഹസ്രത്ത് നിസാമുദ്ദീൻ ജംഗ്ഷൻ രാജധാനി എക്സ്പ്രസ് (12431)- തിരുവനന്തപുരത്ത് നിന്ന് രാത്രി 7.15ന് പുറപ്പെടേണ്ട തിരുവനന്തപുരം-ഹസ്രത്ത് നിസാമുദ്ദീൻ ജംഗ്ഷൻ രാജധാനി എക്സ്പ്രസ് (12431) രണ്ടര മണിക്കൂർ വൈകി 9.45-ന് സ്റ്റേഷനിൽ നിന്ന് സർവ്വീസ് ആരംഭിക്കും.
എറണാകുളം ജംഗ്ഷൻ-അജ്മീർ ജംഗ്ഷൻ പ്രതിവാര സൂപ്പർഫാസ്റ്റ് എക്സ്പ്രസ് (12977)- നവംബർ 5-ന് രാത്രി 8.25-ന് എറണാകുളത്ത് നിന്ന് പുറപ്പെടേണ്ട എറണാകുളം ജംഗ്ഷൻ-അജ്മീർ ജംഗ്ഷൻ പ്രതിവാര സൂപ്പർഫാസ്റ്റ് എക്സ്പ്രസ് (12977) നവംബർ 6-ന് 12.15-ന് സ്റ്റേഷനിൽ നിന്ന് പുറപ്പെടും.
എറണാകുളം ജംഗ്ഷൻ-ലോകമാന്യതിലക് ദ്വിവാര തുരന്തോ എക്സ്പ്രസ് (12224)- നവംബർ 5-ന് എറണാകുളത്ത് നിന്ന് രാത്രി 9.30-ന് സർവ്വീസ് ആരംഭിക്കേണ്ട എറണാകുളം ജംഗ്ഷൻ-ലോകമാന്യതിലക് ദ്വിവാര തുരന്തോ എക്സ്പ്രസ് (12224) നവംബർ 6-ന് പുലർച്ചെ 1.10-ന് സ്റ്റേഷനിൽ നിന്ന് പുറപ്പെടും.
തിരുവനന്തപുരം സെൻട്രൽ-വെരാവൽ പ്രതിവാര എക്സ്പ്രസ് (16334)- നവംബർ 6ന് രാത്രി 7.35 ന് സ്റ്റേഷനിൽ നിന്ന് സർവീസ് ആരംഭിക്കും. ട്രെയിൻ സർവീസ് 3 മണിക്കൂറും 50 മിനിറ്റും വൈകും.
നാഗർകോവിൽ-മംഗലാപുരം സെൻട്രൽ ഏറനാട് എക്സ്പ്രസ് (16606) നവംബർ 16-ന് 02.15 മണിക്ക് നാഗർകോവിലിൽ നിന്ന് പുറപ്പെടേണ്ട നാഗർകോവിൽ-മംഗലാപുരം സെൻട്രൽ ഏറനാട് എക്സ്പ്രസ് നാഗർകോവിലിൽ നിന്ന് 04.25ന് പുറപ്പെടും.
കോയമ്പത്തൂർ – മംഗളൂരു സെൻട്രൽ എക്സ്പ്രസ് (16323) നവംബർ 16-ന് 07.50ന് കോയമ്പത്തൂരിൽ നിന്ന് പുറപ്പെടും.
നവംബർ മൂന്നിന് –
ഹസ്രത്ത് നിസാമുദ്ദീൻ-എറണാകുളം ജംഗ്ഷൻ മംഗള ലക്ഷദ്വീപ് സൂപ്പർഫാസ്റ്റ് എക്സ്പ്രസ് (12618) 3 മണിക്കൂറും 20 മിനിറ്റും നിയന്ത്രിക്കും.
കണ്ണൂർ-തിരുവനന്തപുരം സെൻട്രൽ ജനശതാബ്ദി എക്സ്പ്രസ് (12081) 20 മിനിറ്റ് നിയന്ത്രിക്കും.
ചണ്ഡീഗഡ്-കൊച്ചുവേളി സമ്പർക്ക് ക്രാന്തി സൂപ്പർഫാസ്റ്റ് എക്സ്പ്രസ് (12218) 2 മണിക്കൂർ 40 മിനിറ്റ് നിയന്ത്രിക്കും.
ഡോ. എംജിആർ ചെന്നൈ സെൻട്രൽ-മാംഗ്ലൂർ സെൻട്രൽ സൂപ്പർഫാസ്റ്റ് എക്സ്പ്രസ് (12685) ഒരു മണിക്കൂർ 10 മിനിറ്റ് നിയന്ത്രിക്കും.
തിരുവനന്തപുരം സെൻട്രൽ – മംഗളൂരു സെൻട്രൽ മാവേലി എക്സ്പ്രസ് (16604) ഒരു മണിക്കൂർ നിയന്ത്രിക്കും.
