ഫെഡറൽ ബാങ്ക് ഏർപ്പെടുത്തിയിട്ടുള്ള ഹോർമിസ് മെമ്മോറിയൽ ഫൗണ്ടേഷൻ സ്‌കോളർഷിപ്പിന് അപേക്ഷ ക്ഷണിച്ചു. എംബിബിഎസ്, എഞ്ചിനീയറിംഗ്, ബിഎസ്‌സി, നഴ്‌സിംഗ്, എംബിഎ എന്നിവയ്‌ക്കും കാർഷിക സർവകലാശാല നടത്തുന്ന ബിഎസ്‌സി, അഗ്രികൾച്ചർ, ബിഎസ്‌സികോ-ഓപ്പറേഷൻ ആൻഡ് ബാങ്കിംഗ് വിദ്യാർത്ഥികൾക്കും അപേക്ഷിക്കാനാകും. സർക്കാർ, എയ്ഡഡ്, സർക്കാർ അംഗീകൃത സ്വാശ്രയ ഓട്ടോണമസ് കോളേജുകളിൽ 2023-24 വർഷത്തിൽ മെറിറ്റ് അടിസ്ഥാനത്തിൽ പ്രവേശനം നേടിയവർക്കാണ് അവസരം.
അപേക്ഷകരുടെ കുടുംബവാർഷിക വരുമാനം മൂന്ന് ലക്ഷം രൂപയിൽ കൂടരുത്. എന്നാൽ സേവനത്തിൽ ഇരിക്കവെ മരിച്ച ജവാന്മാരുടെ ആശ്രിതർക്ക് വാർഷിക വരുമാനം ബാധകമല്ല. കേരളം, തമിഴ്‌നാട്, കർണാടക, മഹാരാഷ്‌ട്ര, ഗുജറാത്ത്, പഞ്ചാബ് എന്നീ സംസ്ഥാനങ്ങളിൽ സ്ഥിരതാമസക്കാരായ വിദ്യാർത്ഥികൾക്കാണ് അപേക്ഷിക്കാനാകുക.
തിരഞ്ഞെടുത്ത വിദ്യാർത്ഥികൾക്ക് ട്യൂഷൻ ഫീസും മറ്റ് വിദ്യാഭ്യാസ ചിലവുകളും ഉൾപ്പെടെ പ്രതിവർഷം പരമാവധി ഒരു ലക്ഷം രൂപ വരെ സ്‌കോളർഷിപ്പായി ലഭിക്കും. ഡിസംബർ 17-ന് മുമ്പ് അപേക്ഷ സമർപ്പിക്കണം. വിശദവിവരങ്ങൾക്ക് scholarships.federalbank.co.in:6443/fedschlrshipportal
എന്ന വെബ്‌സൈറ്റ് സന്ദർശിക്കുക.
